મેચના જીતીની અને ફાઈનલમાં સ્થાન મેળવ્યાની ખુશીને પાકિસ્તાનના લોકોએ જોરદાર ઉજવણી કરી હતી. આ ખુશીમાં પાકિસ્તાનના અનેક શહેરોમાં હવાઈ ફાયરિંગની થયાના સમાચાર સામે આવ્યા છે.
એશિયા કપ 2022ના સુપર-4 રાઉન્ડમાં પાકિસ્તાન મેચ જીત્યું હતું
મેચ જીતવાના જશ્નમાં ઘણી જગ્યા પર હવાઈ ફાયરિંગની ઘટના સામે આવી
પેશાવરમાં હવાઈ ફાયરિંગને કારણે 2 લોકોના મૃત્યુ
એશિયા કપ 2022ના સુપર-4 રાઉન્ડમાં પાકિસ્તાને બુધવારે અફઘાનિસ્તાનને હરાવી દીધું હતું. આ જીત સાથે પાકિસ્તાને ફાઇનલમાં પોતાનું સ્થાન નિશ્ચિત કરી લીધું છે અને ભારત અને અફઘાનિસ્તાનની એશિયા કપમાં સફર પૂરી થઈ ગઈ છે. પાકિસ્તાને તેના આ મેચના જીતીની અને ફાઈનલમાં સ્થાન મેળવ્યાની ખુશીને પાકિસ્તાનના લોકોએ જોરદાર ઉજવણી કરી હતી. આ ખુશીમાં પાકિસ્તાનના અનેક શહેરોમાં હવાઈ ફાયરિંગની ઘટનાઓ બની હતી. પણ જીતના જશ્ન વચ્ચે પેશાવર શહેરમાં થયેલા હવાઈ ફાયરિંગમાં બે લોકોના મોતના સમાચાર પણ સામે આવ્યા છે. પોલીસે હવાઈ ફાયરિંગમાં સામેલ 41 લોકોને કસ્ટડીમાં લીધા છે.
પાકિસ્તાનમાં ઘણી જગ્યા પર હવાઈ ફાયરિંગની ઘટના બની છે. કેટલાક લોકો પેશાવરમાં પાકિસ્તાનના મેચની જીતનો જશ્ન મનાવી રહ્યા હતા અને તેમ જ એ લોકો બંદૂકોથી હવામાં ફાયરિંગ કરી હતી. મળતા સમાચાર મુજબ આ હવાઈ ફાયરિંગની ઝપેટમાં બે લોકો આવ્યા છે અને ગોળી વાગવાથી તેમનું મૃત્યુ થયું છે. પોલીસના જણાવ્યા અનુસાર પેશાવર ત્રણ મહિલાઓ પણ ઘાયલ થઈ છે. સમગ્ર શહેરમાં વિવિધ પોલીસ સ્ટેશનોની હદમાંથી હવાઈ ફાયરિંગની ઘટનાઓ સામે આવી છે અને પોલીસે હવાઈ ફાયરિંગમાં સામેલ 41 લોકોની અટકાયત પણ કરવામાં આવી છે.
બીજી તરફ મૃતકના પરિવારજનો અવૈધ હથિયાર સામે અભિયાન શરૂ કરવામાં આવે એવી માંગ કરી રહ્યા છે. જે લોકો પાસે હથિયાર રાખવાનું લાઇસન્સ નથી એમની પાસેથી હથિયાર જપ્ત કરવાની પણ માંગ કરી છે. પાકિસ્તાને 8 સપ્ટેમ્બરના રોજ એશિયા કપના સુપર 4 માં અફઘાનિસ્તાનને મેચમાં માત અપાઈને ટી20 એશિયાકપમના ફાઇનલમાં જગ્યા બનાવી લીધી છે.