સીરમ ઇન્સ્ટિટ્યૂટ ઓફ ઇન્ડિયાના સીઇઓ અદાર પૂનાવાલાએ ટ્વિટરના નવા માલિક એલન મસ્કને ભારતમાં રોકાણ કરવાની અપીલ કરી છે.
સીરમ ચીફ અદાર પુનાવાલાની એલન મસ્કને અપીલ
ભારતમાં આવીને રોકાણ કરો, ટેસ્લા કાર બનાવો
નીતિન ગડકરી પણ એલન મસ્કને ભારતમાં આવવાનું આમંત્રણ આપ્યું છે
જ્યારથી વિશ્વના નંબર વન અમીર એલન મસ્કે ટ્વિટરને ખરીદવાની જાહેરાત કરી છે ત્યારથી બધા તેમને ભારતમાં આવવાનું આમંત્રણ આપવા લાગ્યા છે. નીતિન ગડકરી બાદ હવે સીરમ ચીફ અદાર પુનાવાલાએ ટ્વિટ કરીને જણાવ્યું કે એલોન મસ્ક જો તમે ટ્વિટર ખરીદવા માંગતા ન હોવ, તો તે મૂડીનો એક ભાગ ભારતમાં મોટા પાયે રોકાણ કરવા અને અહીં ઉચ્ચ ગુણવત્તાની ટેસ્લા કાર બનાવવાનો વિચાર કરો. પુનાવાલાએ એવું પણ કહ્યું કે તમારુ આ અત્યાર સુધીનું સૌથી સારુ રોકાણ હશે. તેમણે કહ્યું કે હું તમને વિશ્વાસ અપાવવા માગું છું કે આ તમારા દ્વારા કરવામાં આવેલું અત્યાર સુધીનું સૌથી સારુ રોકાણ હશે.
Hey @elonmusk just in case you don't end up buying @Twitter, do look at investing some of that capital in INDIA for high-quality large-scale manufacturing of @Tesla cars. I assure you this will be the best investment you'll ever make.
નીતિન ગડકરી પણ એલન મસ્કને ભારતમાં રોકાણ કરવાની કરી ચૂક્યા છે અપીલ
ઉલ્લેખનીય છે કે કેન્દ્રીય મંત્રી નીતિન ગડકરી પણ વિશ્વના નંબર વન અમીર એલન મસ્કને ભારતમાં આવીને રોકાણ કરવાની તથા ટેસ્લા કાર બનાવવાની અપીલ કરી ચૂક્યા છે.
એલન મસ્કે ટ્વિટર ખરીદવા રોકાણકારો પાસેથી 7 અબજ ડોલર એકત્ર કર્યા
મસ્કે ટ્વિટર ડીલ માટે રોકાણકારો પાસેથી 7 અબજ ડોલર એકત્ર કર્યા તાજેતરમાં માઇક્રો બ્લોગિંગ સાઇટ ટ્વિટરના અધિગ્રહણની જાહેરાત કરનાર અબજોપતિ એલન મસ્ક આ સોદા માટે રોકાણકારોના એક જૂથ પાસેથી 7 અબજ ડોલરથી વધુ એકત્ર કરવામાં સફળ રહ્યા છે.મસ્કના રોકાણ પ્રસ્તાવનો ભાગ બનવા જઇ રહેલા રોકાણકારોમાં ઓરેકલના સહ-સ્થાપક લેરી એલિસનનો સમાવેશ થાય છે. યુએસ સિક્યોરિટીઝ એન્ડ એક્સચેન્જ કમિશનને આપેલી માહિતી મુજબ સિકોયા કેપિટલ ફંડે 80 કરોડ ડોલરનું રોકાણ કરવાની પ્રતિબદ્ધતા દર્શાવી છે અને વિકેપિટલે ટ્વિટર એક્વિઝિશન ડીલ માટે 70 કરોડ ડોલરનું રોકાણ કરવાની પ્રતિબદ્ધતા વ્યક્ત કરી છે. જો કે, સૌથી આગળ એલિસન છે, જેણે 1 અબજ ડોલરનું રોકાણ કરવાનું વચન આપ્યું છે. એલિસન મસ્કની કંપની ટેસ્લાના બોર્ડ ઓફ ડિરેક્ટર્સમાં પણ સામેલ છે. સાઉદી અરેબિયાના ક્રાઉન પ્રિન્સ અલવલીદ બિન તલાલ બિન અબ્દુલઅઝીઝ અલસાઉદે પણ મસ્કના સમર્થનમાં ટ્વિટર શેર ખરીદવા માટે 35 મિલિયન ડોલરનું વચન આપ્યું છે.