ચૂંટણી પરિણામ / નેહરૂ-ઇન્દિરા બાદ સત્તામાં પૂર્ણ બહુમતિથી પાર્ટીની વાપસી કરાવનાર મોદી ત્રીજા પીએમ

જ્યારે 1951-52ની પ્રથમ લોકસભા ચૂંટણીમાં જવાહરલાલ નેહરૂની અધ્યક્ષતામાં કોંગ્રેસે બહુમતિ મેળવી હતી. જ્યારે 1957 અને 1962માં પણ કોંગ્રેસે પૂર્ણ બહુમતિ પ્રાપ્ત કરી હતી. 1951માં ભારતમાં પ્રથમ વખત ચૂંટણી યોજાઇ રહી હતી જેના કારણે પાંચ મહિના સુધી ચૂંટણી ચાલી. 1951-52ની ચૂંટણીમાં 489 બેઠકમાંથી કોંગ્રેસને 364 પર જીત મળી હતી.

જ્યારે ત્યારબાદના 1957ની ચૂંટણીમાં 494 બેઠકમાંથી કોંગ્રેસને 371 બેઠક પર જીત મળી અને વોટ શેર પણ વધ્યો. જ્યારે 1962માં જવાહરલાલ નેહરૂની અધ્યક્ષતામાં કોંગ્રેસને 494 બેઠકમાંથી 361 બેઠક પર જીત મળી. આઝાદીના 20 વર્ષ  બાદ કોંગ્રેસનું વર્ચસ્વ દેશના રાજકારણમાંથી ઘટવા લાગ્યું. 1967માં કોંગ્રેસને 6 રાજ્યની વિધાનસભા ચૂંટણીમાં હારનો સામનો કરવો પડ્યો.

જો કે તેમ છતાં 1967ની ચૂંટણીમાં જવાહરલાલ નેહરૂના દિકરી ઇન્દિરા ગાંધીને 520 બેઠકમાંથી 282 પર જીત પ્રાપ્ત થઇ. લોકસભા ચૂંટણીમાં ઇન્દિરા ગાંધીની આ પ્રથમ જીત હતી. 1971ની લોકસભા ચૂંટણીમાં ઇન્દિરા ગાંધીની કોંગ્રેસને 352 બેઠક જીતી. 1977ની ચૂંટણીમાં પ્રથમ વખત કોંગ્રેસ સત્તામાંથી બહાર થઇ.

આ ચૂંટણીમાં જનતા પાર્ટી ગઠબંધનને 298 અને કોંગ્રેસને 153 બેઠક મળી. મોરારજી દેસાઇ વડાપ્રધાન બન્યાં. પરંતુ સરકાર મતભેદના કારણે ચાલી નહીં. જ્યારે 1980માં ઇન્દિરા ગાંધીના નેતૃત્વમાં કોંગ્રેસે 353 બેઠક મળી હતી.