11 ઓગસ્ટે રશિયાએ આખી દુનિયામાં ડંકાની ચોટ પર કોરોની પહેલી રસી બનાવવાનો દાવો કર્યો હતો. અનેક દેશોએ તેના ટ્રાયલ ન થયા હોવાના આક્ષેપ સાથે તેની સુરક્ષા પર સવાલ ઉઠાવ્યા હતા. પરંતુ રશિયાએ તમામ આક્ષેપો ફગાવી દીધા હતા. જો કે એવું લાગે છે કે હવે રશિયાને ભાન થઈ ગયું છે કે તેણે રસી લોન્ચ કરવામાં ઉતાવળ કરી નાંખી છે.
તેણે રસી લોન્ચ કરવામાં ઉતાવળ કરી નાંખી છે
આ કારણે રસી આવવામાં મોડુ થઈ રહ્યું છે
હજુ સુધી તેના વૈક્સીનેશનની પ્રક્રિયા ઘણી ધીમી છે
આ રસીને લઈને રશિયા તરફથી દાવો કરવામાં આવ્યો હતો કે તે લોકોમાં એન્ટીબોડી બનાવવામાં સફળ રહી છે અને તેને જલ્દી લોકોને આપવામાં આવશે પરંતુ હજુ સુધી તેના વેક્સીનેશનની પ્રક્રિયા ઘણી ધીમી છે અને પર્યાપ્ત માત્રામાં તેના ડોઝ તૈયાર કરવામાં આવી રહી નથી.
અહીના સ્વાસ્થ્ય અધિકારીઓ અને હેલ્થ એક્સપર્ટનું કહેવું છે કે ક્લિનિકલ ટ્રાયલ ઉપરાંત મોટી સંખ્યામાં વેક્સીન આપવામાં આવી નથી. જો કે હજુ સુધી એ સ્પષ્ટ નથી થઈ શક્યુ કે આ ધીમા રસીકરણ પાછળનું કારણ રસીનું મર્યાદિત ઉત્પાદન છે કે અપ્રમાણિત રસીનું મોટા પાયે ઉત્પાદન કરતા પહેલા એક વાર ફરી વિચાર કરવામાં આવી રહ્યો છે.
રસીને ફાયનાન્સ કરનારી કંપનીનું કહેવું છે કે ક્રીમિયા પેનિનસુલામાં રસી મોકલવામાં આવી છે જોકે 2 લાખની વસ્તી વાળા આ વિસ્તારમાં 21 લોકોને જ રસી ડિલીવર થઈ છે. સ્વાસ્થ્ય મંત્રીએ કહ્યું કે કેટલાક પ્રાંતમાં રસીના નાના શિપમેન્ટ મોકલવામાં આવ્યા છે. રસી પર સવાલ ઉઠતા રશિયા એસોશિયેશન ફોર એવિડેન્સ બેસ્ડ મેડિસિનના ઉપાધ્યક્ષ ડૉક્ટર વેલાસોવે કહ્યું કે દુર્ભાગ્યની વાત છે કે અમારી પાસે રસી સાથે જોડાયેલી બહુ ઓછી માહિતી છે. સ્વાસ્થ્ય મંત્રીએ કહ્યું કે ડિસ્ટ્રીબ્યૂશન સિસ્ટમની તપાસ કરવા અને ચિકિત્સા કર્મીઓને પ્રશિક્ષિત કરવાના કારણે રસી આવવામાં મોડુ થઈ રહ્યું છે.