રાજનીતિ / ધારાસભ્યના રાજીનામાની અસર તો જુઓ સાહેબ, બિલ ન ભર્યુ તો પણ આ કામ થઈ ગયું

• MGVCLએ સાવલી નગરપાલિકાનું વીજ કનેકશન શરૂ કર્યુ
• બીલ ન ભર્યું હોવા છતા MGVCLએ વીજ કનેકશન શરૂ કર્યુ
• કપાયેલા પાંચેય વીજ કનેકશન ફરી શરૂ કરી દેવાયા

વડોદરામાં ભાજપના જ ધારાસભ્યો ભાજપનો વિરોધ કરી રહ્યા છે. એક પછી એક ધારાસભ્યોના રાજીનામા અને બળવાની ચિમકી બાદ ભાજપ સરકાર જાણે કે નપાણી બની હોય તેમ તેમ ધારાસભ્યોની વાત માની રહી છે. કેતન ઈમાનદારે પણ રાજીનામાની વાત કરીને રીતસર રૂપિયા ભર્યા વગર નગરપાલિકાના પાંચેય કનેક્શન તાબડતોડ શરૂ કરી દેવામાં આવ્યા છે. 

ધારાસભ્ય કેતન ઇનામદારના રાજીનામા બાદ સાવલી નગર પાલિકામાં અસર જોવા મળી રહી છે. MGVCLએ સાવલી નગર પાલિકાનું ફરી વીજ કનેક્શન શરૂ કર્યું છે. બીલ ન ભર્યું હોવા છતાં MGVCL દ્વારા વીજ કનેક્શન શરૂ કરી દેવામાં આવ્યું છે. કપાયેલા પાંચેય કનેક્શન ફરી શરૂ કરી દેવાતા અનેક સવાલ ઉભાં થયા છે. શું સાવલી નગરપાલિકાના નિયમો ભારતના કાયદાથી અલગ છે ?  બીજી નગરપાલિકા માટે ધારાસભ્યો આવી પ્રેશર ટેકનિક શરૂ કરશે તો શું સ્થિતિ થશે ? તેવા અનેક સવાલ થઇ રહ્યાં છે.