નિવેદન / લિક્વિડિટીની કોઇ સમસ્યા નથી, લોનની ભારે માંગ છે : નાણાંમંત્રી

• 400 જિલ્લામાં ત્રણ ઓક્ટોબરથી લોન મેળાનું આયોજન
• નાણામંત્રીએ કહ્યું ગ્રામીણ વિસ્તારોમાં લોનની મોટા પ્રમાણમાં માંગ
• લોન મેળામાં પ્રાઇવેટ બેન્ક પણ સામેલ થશે

લોન મેળામાં પ્રાઇવેટ બેન્ક પણ થશે સામેલ 

એમણે જણાવ્યું કે બેન્કોએ બેઠકમાં લિક્વિડિટીનો મુદ્દો નથી ઉઠાવ્યો. નાણામંત્રીએ કહ્યું કે ગ્રામીણ વિસ્તારોમાં લોનની ભારે ડિમાન્ડ છે. આ કારણે સરકાર ગ્રામીણ વિસ્તારોમાં લોનના મેળાનું આયોજન કરવા જઇ રહી છે. લોન મેળામાં પ્રાઇવેટ બેન્ક પણ સામેલ થશે. 

સરકાર તહેવારની સીઝનમાં લોનની સરળ ઉપલબ્ધતા સુનિશ્ચિત કરવા માટે દેશભરના 400 જિલ્લામાં ત્રણ ઓક્ટોબરથી 'લોન મેળા'નું આયોજન કરવા જઇ રહી છે. 

રોકડ વધારવા પર ફોકસ

આ મહીને સીતારમણે કહ્યું હતું કે સરકાર એ સુનિશ્ચિત કરવા ઇચ્છે છે કે તહેવારની સીઝન દરમિયાન વધુને વધુ લોનનું વિતરણ અને બેન્કોથી રોકડનો પ્રવાહ એનબીએફસી અને ગ્રાહકો સુધી પહોંચવાની ગતિ ઝડપી બને. 

આ પહેલા ગત શુક્રવારે પોતાની પ્રેસ કોન્ફરન્સમાં નિર્મલા સીતારમણે કોર્પોરેટ સેક્ટર માટે મોટા એલાન કર્યા. આ દરમિયાન એમણે કહ્યું કે, ઘરેલૂ કંપનીઓ પર કોઇપણ પ્રકારની છુટ વિના ઇનકમ ટેક્સ 22 ટકા લાગશે. તેમા સરચાર્જ અને સેસ જોડ્યા બાદ કંપનીને 25.17 ટકા ટેક્સ આપવો પડશે. તેનો ફાયદો દેશની એ મોટી કંપનીઓને મળશે જે 30 ટકાના કોર્પોરેટ ટેક્સ સ્લેબમાં આવે છે.