લગ્ન પછી સ્ત્રીઓએ પતિના પરિવારની અટક અપનાવવી પડે છે અને સ્ત્રીને તે જ નામથી વધુ ઓળખવામાં આવે છે.
લગ્ન બાદ મહિલાઓને પતિના નામે ઓળખવામાં આવે છે
લગ્ન બાદ દરેક સ્ત્રીઓએ પતાવી લેવા જોઈએ આ કામ
નહીં તો બાદમાં થઈ શકે છે મુશ્કેલી
જો મહિલાઓએ લગ્ન બાદ પાન કાર્ડમાં પોતાની સરનેમ નહીં બદલી હોય તો તેમને ભવિષ્યમાં ઘણી સમસ્યાઓનો સામનો કરવો પડી શકે છે. કારણ કે લગ્ન બાદ મહિલાઓ માટે તેમની અટક બદલવી જરૂરી બની જાય છે.
લગ્ન પછી સ્ત્રીઓએ પતિના પરિવારની અટક અપનાવવી પડે છે અને સ્ત્રીને તે જ નામથી વધુ ઓળખવામાં આવે છે. જો કે, જો મહિલાઓ લગ્ન પછી પોતાનું નામ બદલાવે છે. તો તેણે સરકારી દસ્તાવેજોમાં પણ પોતાનું નામ બદલવું પડશે. પરંતુ જો મહિલાને લગ્ન બાદ સરનેમ બદલ્યા બાદ સરકારી દસ્તાવેજોમાં નામ ન બદલે તો તેને મુશ્કેલીનો સામનો કરવો પડી શકે છે.
પાન કાર્ડમાં સાચુ નામ હોવું જરૂરી
આ સાથે પાન કાર્ડમાં સાચુ નામ હોવું ખૂબ જ જરૂરી બની જાય છે. પાન કાર્ડમાં નામ બદલવામાં બેદરકારીને કારણે તમારે ટ્રાન્ઝેક્શન સંબંધિત સમસ્યાનો સામનો કરવો પડી શકે છે. લગ્ન બાદ નામ બદલવા પર, જો મહિલા દ્વારા પાન કાર્ડમાં નામ બદલવામાં ન આવે તો તેને પાછળથી નુકસાન સહન કરવું પડે છે.
આ ડોક્યુમેન્ટ્સની પડશે જરૂર
આવી સ્થિતિમાં કોઈપણ નુકસાનથી બચવા માટે, મહિલાઓએ લગ્ન પછી પાન કાર્ડમાં પોતાનું નામ બદલવું જોઈએ. જેના માટે મહિલાઓએ કેટલાક દસ્તાવેજો પણ જમા કરાવવાના હોય છે. મહિલાઓએ મેરેજ સર્ટિફિકેટ અથવા લગ્નનું આમંત્રણ કાર્ડ જમા કરાવવાનું રહેશે. આ ઉપરાંત, રાજપત્રિત અધિકારીનું પ્રમાણપત્ર અથવા ઓફિશ્યલ ગેજેટમાં નામના પ્રકાશન અથવા પતિનું નામ ધરાવતા પાસપોર્ટની નકલ પણ આપવાની રહેશે.
પાન કાર્ડ અપડેટ કરવા માટે લાગશે આટલા પૈસા
પરણિત મહિલાઓ સિવાયની વ્યક્તિઓ માટે એક રાજપત્રિત અધિકારીના એક પ્રમાણ પત્ર અથવા ઓફિશ્યલ રાજપત્રમાં નામના પ્રકાશનને દર્શાવનાર સહાયક ડેટા પાન કાર્ડ નામ સુધાર દસ્તાવેજ માટે જરૂરી છે.
જણાવી દઈએ કે અટક બદલવા માટે તમારે આ ફોર્મ સબમિટ કરવું પડશે અને તમારે તેના માટે પેમેન્ટ કરવું પડશે. તમે આ ચુકવણી નેટબેંકિંગ, ડેબિટ કાર્ડ, ક્રેડિટ કાર્ડ અને કેશ કાર્ડ દ્વારા પૂર્ણ કરી શકો છો. જો તમે ભારતમાં તમારું સરનામું બદલવા માંગો છો, તો તમારે તેના માટે 110 રૂપિયા અને ભારતની બહારના સરનામા માટે 1020 રૂપિયા ચૂકવવા પડશે.
પાન કાર્ડમાં આ રીતે બદલો સરનેમ
સૌથી પહેલા તમારે https://www.onlineservices.nsdl.com/paam/endUserRegisterContact.html પર જવું પડશે.
આ પછી તમારે એપ્લિકેશન ફોર્મ ભરવાનું રહેશે.
આ ફોર્મમાં તમારે તમામ જરૂરી માહિતી આપવાની રહેશે.
આ ફોર્મ માત્ર ઓનલાઈન સબમિટ કરવાનું રહેશે.
હવે તમારા નામની આગળ બનાવેલ સેલ સિલેક્ટ કરો અને ફોર્મમાં તમારા PANને મેન્શન કરો.
આ પછી ફોર્મમાં આપવામાં આવેલી માહિતીની ચકાસણી કરવાની રહેશે.
વેરિફિકેશન પછી તમારે વેલિડેટ પર ક્લિક કરવાનું રહેશે.