રિલાયન્સ / ટેલિકોમ ક્ષેત્રે ધમાલ મચાવ્યા બાદ હવે આ ક્ષેત્ર પર મુકેશ અંબાણીની નજર, બનાવ્યો ખાસ પ્લાન 

• રિલાયન્સ હવે ઓનલાઈન રિટેલ ક્ષેત્રે મચાવશે ધમાલ 
• એમેઝોન અને ફ્લિપકાર્ટની સાથે થશે કાંટે કી ટક્કર
• રિલાયન્સની વેબસાઈટ પર ઘણી પ્રોડક્ટ્સમાં અપાઈ રહી છે છૂટ

 મુકેશ અંબાણીના નેતૃત્વમાં રિલાયન્સની જિયોએ સૌથી સસ્તા ડેટા અને કોલિંગ પ્લાન માટેની રણનીતિ અપનાવી હતી, બિલકુલ એ જ પ્રકારની રણનીતિ હવે  કંપની ઇ કોમર્સ ક્ષેત્રમાં અપનાવવા જઈ રહી છે. 

દિવાળી સેલ જેવી યોજના આપી શકે છે રિલાયન્સ

પ્રારંભમાં મુકેશ અંબાણી દિવાળી સેલ જેવી યોજના સાથે પ્રતિસ્પર્ધી કંપનીઓને ટક્કર આપવાની તૈયારીમાં છે, જેને લઈને પહેલાથી ભારતના બજારમાં ઉપલબ્ધ એમેઝોન અને ફ્લિપકાર્ટ માટે મુશ્કેલીઓ ઉભી થઈ શકે છે. તહેવારોની સીઝનને ધ્યાનમાં રાખીને જીયો માર્ટ દ્વારા ઘણી ડિસ્કાઉન્ટ ઓફર્સ આપવામાં આવી રહી છે. 

પ્રોડક્ટ્સ અપાઈ રહી છે ઘણી મોટી છૂટ

રિલાયન્સ ઇન્ડસ્ટ્રીઝ ઈન્ફેક્શનરી ઉત્પાદનો પર 50% સુધીની છૂટ આપી રહી છે. આ સિવાય રિલાયન્સ ડિજિટલની વેબસાઇટ પર પણ ફોન પણ ખૂબ જ ઓછા ભાવે મળે છે. રિલાયન્સ ડિજિટલ પર, સેમસંગ ના સ્માર્ટફોન પ્રતિસ્પર્ધી વેબસાઇટ્સ કરતા 40 ટકા ઓછા ભાવે મળી રહ્યા છે. 

રિલાયન્સને મળ્યું છે મોટું ભંડોળ 

તાજેતરમાં, RIL ને પણ મોટા પાયે ભંડોળ પ્રાપ્ત થયું છે, તેથી કંપનીને ઓછા ખર્ચે રિટેલ ક્ષેત્રે વ્યવસાય કરવો પડકારજનક નથી. રિલાયન્સ જિયોમાં આશરે દો 1.5 લાખ કરોડનું રોકાણ મળ્યા બાદ રિલાયન્સ રિટેલમાં રોકાણ કરવાનું ચાલુ રાખ્યું. હાલમાં મુકેશ અંબાણીની રિલાયન્સ રિટેલમાં KKR અને સિલ્વર લેક જેવી દિગ્ગજ કંપનીઓએ રોકાણ કર્યું છે. 

મોર્ગન સ્ટેનલેનો અંદાજ છે કે 2026 સુધીમાં ભારતમાં ઇ-કોમર્સનું વેચાણ 200 અબજ ડોલરને પાર કરી શકે છે. પરંતુ ટેલિકોમ ક્ષેત્રની તુલનામાં, અહીં રિલાયન્સ માટે થોડી મુશ્કેલી આવી શકે છે કારણ કે તે અમેરિકન કંપની એમેઝોન અને વોલમાર્ટ સાથે સ્પર્ધા કરે છે.