ભાવનગરની ઘોઘા તાલુકાનના કુડા ગામની સરકારી પ્રાથમિક શાળાના બાળકો ગામમાં આવેલા તળાવમાં મઘ્યાહન ભોજન કરેલી થાળીઓ સાફ કરતાં વીડિયો વાયરલ થતાં ખળભાટ મચ્યો છે.
ભાવનગરની ઘોઘાના કુંડા ગામની સરકારી શાળા વિવાદમાં
શાળા સંચાલકની ગંભીર બેદરકારી સામે આવી
મઘ્યાહન ભોજન બાદ બાળકો પાસે ડીશ ધોવડાવી
ભાવનગરમાં ઘોઘાના કુંડા ગામની ઘટના
ગુજરાતમાં સરકારી શાળામાં મધ્યાહન ભોજન બાદ બાળકો પાસે ડીશ ધોવડાવવામાં આવી ઘટના સામે આવી છે. જેમાં પ્રાથમિક શાળા બાળકોએ ગામમાં આવેલા તળાવમાં મઘ્યાહન ભોજન કરેલી ડીશો સાફ કરતાં નજરે પડ્યાં હતાં. જેને વીડિયો સોશિયલ મીડિયામાં વાયરલ થતાં સરકારી શાળાના સંચાલકોની ગંભીર બેદરકારી સામે આવી છે.
શાળા સંચાલકની ગંભીર બેદરકારી
આ ઘટના ભાવનગરના ઘોઘા તાલુકાના કુડા ગામની છે. જ્યાં સરકારી શાળાના સંચાલકોએ શાળાના વિદ્યાર્થીઓને મધ્યાહન ભોજન બાદ ડીશ ધોવા મોકલવામાં આવ્યા.મહત્વનું છે કે, ડીશ ધોવાની વ્યવસ્થા શાળામાં નહીં પણ તળાવમાં હતી. વીડિયોમાં સાફ નજરે દેખાઈ છે કે, વિદ્યાર્થીઓ તળાવ કિનારે ડીશ ધોતા નજરે પડ્યા હતા.
કોઈ દુર્ઘટના ઘટી હોત તો જવાબદાર કોણ?
ત્યારે હાલ લોકોના મનમાં એક સવાલો ઉઠી રહ્યાં છે કે, આ નાના ભૂલકા તળાવમાં પડી ગયા હોત.કોઈ દુર્ઘટના ઘટી હોત તો જવાબદારી કોણ લેત?. સવાલ એ પણ થાય છે કે બાળકો પાસે આવા કાર્યો કેમ કરાવવામાં આવ્યા. અને બાળકોને તળાવ પર મોકલવાનો નિર્ણય કોણે લીધો?. હાલ સ્માર્ટ શાળાની ચર્ચાઓ રાજ્યમાં ચાલી રહી છે. ત્યારે આવા વીડિયો પણ સામે આવી રહ્યા છે જે સ્માર્ટ શાળાની ચર્ચાઓ પર પૂર્ણવિરામ લગાવી દે છે.
Vtv -સળગતા સવાલ
- બાળકોને તળાવમાં ડીશ ધોવા કેમ મોકલવામાં આવ્યા?
- સ્કૂલ સંચાલકો આવી ગંભીર બેદરકારી કેવી રીતે દાખવી શકે?
- ડીશ ધોવા જતા બાળકો તળાવમાં પડી ગયા હોત તો જવાબદારી કોણ લેત?
- મોટો સવાલ તો એ છે કે શું શાળામાં પાણી ખૂટી ગયું છે?
- શું પાણીના અભાવે બાળકોને તળાવ પર મોકલ્યા?
- તળાવમાં ડીશ ધોવાનો નિર્ણય કોને લીધો?
- બાળકો પાસે ડીશ શા માટે ધોવડાવવામાં આવી?