કટાક્ષ / દિલ્હીમાં રાહુલ ગાંધીનું ભાષણ સાંભળ્યા બાદ BJP કેમ કહી રહી છે થેન્કયુ કોંગ્રેસ? સોશ્યલ મીડિયામાં જબરું વાયરલ

• ભાજપના રાષ્ટ્રીય પ્રવક્તાએ કોંગ્રેસનો આભાર માન્યો
• ભારત જોડો નહીં પણ મીડિયા જોડો યાત્રા કરવી જોઈએ
• શહઝાદે રાહુલ ગાંધીની મજાક ઉડાવતો બીજો વીડિયો શેર કર્યો

'ભારત જોડો યાત્રા' લઈને રાજધાની દિલ્લીમાં આવેલા રાહુલ ગાંધીએ શનિવારે ભાજપને ઘણું સંભળાવ્યું હતું. રાહુલ ગાંધી ત્યાં સુધી કહ્યું હતું કે પીએમ મોદી અને ભાજપે તેમની છબી ખરાબ કરવા માટે કરોડો રૂપિયા ખર્ચ્યા છે અને એ સાથે જ ન્યૂઝ ચેનલો પર નિશાન સાધતા તેમણે કહ્યું કે તેઓ નફરત ફેલાવવાનું કામ કરે છે અને 24 કલાક 'હિંદુ-મુસ્લિમ' કરે છે. અંહિયા મહત્વની વાત એ છે રાહુલનું લાંબુ ભાષણ સાંભળીને ભાજપના કેટલાક નેતાઓએ ખુશી વ્યક્ત કરી હતી. આ જાણીને અજુગતું લાગશે પણ ભાજપના રાષ્ટ્રીય પ્રવક્તાએ કોંગ્રેસનો આભાર માન્યો છે. 

After walking 2800kms Rahul Baba couldn’t find nafrat and hinsa in India ! I welcome this big disclosure by Baba! Thank you Congress!!

Rahul could find nafrat in media!

So he should start media jodo not Bharat Jodo yatra pic.twitter.com/mo6UXq4GAu

— Shehzad Jai Hind (@Shehzad_Ind) December 24, 2022

ભારત જોડો નહીં પણ મીડિયા જોડો યાત્રા કરવી જોઈએ
જણાવી દઈએ કે આ આભાર પણ એક પ્રકારનો વળતો હુમલો હતો. રાહુલ ગાંધીના ભાષણનો એક નાનકડો કટકો શેર કરતા ભાજપના પ્રવક્તા શહજાદ પૂનાવાલાએ કહ્યું કે 2800 કિમી ચાલ્યા પછી રાહુલ બાબા (ગાંધી)ને ભારતમાં ક્યાંય નફરત અને હિંસા જોવા મળી નથી. એમને કહ્યું હતું , 'હું બાબાના આ મોટા ખુલાસાનું સ્વાગત કરું છું. કોંગ્રેસનો આભાર. તેણે આગળ લખ્યું કે જો રાહુલને મીડિયામાં નફરત મળી છે તો એમને ભારત જોડો નહીં પણ મીડિયા જોડો યાત્રા કરવી જોઈએ. 

ક્યાંય નફરત અને હિંસા જોવા મળી નથી
આ પહેલા રાહુલ ગાંધીએ મીડિયા પર નિશાન સાધતા કહ્યું હતું કે જ્યારે અમે કન્યાકુમારીમાં યાત્રા શરૂ કરી હતી ત્યારે હું વિચારતો હતો કે નફરતને નાબૂદ કરવાની જરૂર છે અને મારા મનમાં હતું કે આ દેશમાં દરેક જગ્યાએ નફરત ફેલાયેલી છે પણ જ્યારે મેં ચાલવાનું શરૂ કર્યું, ત્યારે વાસ્તવિકતા તેનાથી બિલકુલ અલગ હતી... મીડિયા પર પાછળથી લગામ લગાવવામાં આવી છે, જે ચેનલો છે તે નફરત ફેલાવવાનું કામ કરે છે. 24 કલાક હિંદુ-મુસ્લિમ, હિંદુ-મુસ્લિમ, હિંદુ-મુસ્લિમ, હિંદુ-મુસ્લિમ. આ સત્ય નથી ભાઈઓ અને બહેનો. હું કન્યાકુમારીથી અહીં ચાલીને આવ્યો છું, આ સત્ય નથી. આ દેશ એક છે, હું આ રસ્તાઓ પર લાખો લોકોને મળ્યો છું. દરેક વ્યક્તિ એકબીજાને પ્રેમ કરે છે, ગળે લગાવે છે. 

कुत्ते आये - कुत्ते को किसी ने नहीं मारा
गाय आयी
भैंस आयी
सूवर भी आया

श्री राहुल गांधी अपनी यात्रा के बारे में विस्तृत जानकारी पेश करते हुए 🙏 pic.twitter.com/9ih2G7CUO0

— Shehzad Jai Hind (@Shehzad_Ind) December 24, 2022

શહઝાદે રાહુલ ગાંધીની મજાક ઉડાવતો બીજો વીડિયો શેર કર્યો
જણાવી દઈએ કે શહઝાદે શનિવારે સાંજે રાહુલ ગાંધીની મજાક ઉડાવતો બીજો વીડિયો શેર કર્યો હતો અને આ વીડિયોમાં રાહુલ કહેતા સંભળાય છે કે, 'આમાં કૂતરા પણ આવી ગયા. કૂતરા પણ આવી ગયા તેમાં, જો તમે ટીવી જોતા હોવ તો તમે જોયું જ હશે કે કૂતરાને કોઈએ માર્યા નથી, આમાં ગાય અને ભેંસ પણ આવી ગયા અને ડુક્કર પણ આવી ગયા. મેં જોયું... બધા પ્રાણીઓ આવ્યા. બધા આવ્યા પણ અહીં કોઈ નફરત નથી. શહઝાદે વિડિયો સાથે કટાક્ષ કરતાં લખ્યું, 'શ્રી રાહુલ ગાંધી તેમની મુલાકાત વિશે વિગતવાર માહિતી રજૂ કરી રહ્યાં છે.'

રાહુલ ગાંધીએ શનિવારે કહ્યું હતું કે 'દેશના લોકોમાં કોઈ નફરત નથી પણ લોકોનું ધ્યાન હટાવવા માટે ટેલિવિઝન ચેનલો પર 'હિંદુ-મુસ્લિમ, હિંદુ-મુસ્લિમ' સતત કરવામાં આવે છે અને પછી સરકાર તેમના ખિસ્સા ભરે છે. કોરોનાને લઈને સરકારના વધતા દબાણ વચ્ચે કોંગ્રેસે બેફામ કહી દીધું છે કે 'કોરોનાના નામે સરકારના બહાના' બનાવવાને કારણે તેની યાત્રા બંધ નહીં થાય, પરંતુ જો નિષ્ણાતોના અભિપ્રાયના આધારે કોવિડને લઈને કોઈ પ્રોટોકોલ સ્થાપિત કરવામાં આવે તો. તે નક્કી છે તેનું સંપૂર્ણ પાલન થશે.'