શૉકિંગ / મૂસેવાલાની હત્યા બાદ તાત્કાલિક વધારી દેવાઈ સલમાન ખાનની સિક્યુરિટી, જાણો કેમ?

• સિદ્ધૂ મુસેવાલાની હત્યામાં લોરેન્સ બિશ્નોઈનું નામ આવ્યું સામે 
• ખબર બાદ વધારવામાં આવી સલમાન ખાનની સુરક્ષા 
• પોલીસે સલમાનના ઘરની આસપાસ સુરક્ષા વધારી 

રિપોર્ટ અનુસાર બોલિવૂડ સુપરસ્ટાર સલમાન ખાનની સુરક્ષા વધારી દેવામાં આવી છે. જો મીડિયા રિપોર્ટ્સનું માનીએ તો તેની પર્સનલ સિક્યોરિટી ઉપરાંત પોલીસે સલમાન ખાનના ઘરની આસપાસ સુરક્ષા પણ કડક કરી છે જેથી કરીને કોઈપણ અઈચ્છનીય ઘટનાને અગાઉથી અટકાવી શકાય અને આ બધું પંજાબી સિંગર સિદ્ધુ મુસેવાલાની હત્યા બાદ થયું હતું.

સલમાન ખાન પર ખતરો 
હકીકતે સિદ્ધુ મૂઝ વાલા હત્યાકાંડમાં ગેંગસ્ટર લોરેન્સ બિશ્નોઈનું નામ સામે આવ્યું છે. આ હત્યા કેસમાં લોરેન્સ બિશ્નોઈની પૂછપરછ પણ શરૂ થઈ ગઈ છે. લોરેન્સ બિશ્નોઈ એ જ ગેંગસ્ટર છે જેણે 2018માં સલમાન ખાનને મારી નાખવાની ખુલ્લેઆમ ધમકી આપી હતી. એવામાં જ્યારે આ ગેંગ ફરીથી સક્રિય થઈ છે. ત્યારે કોઈપણ પ્રકારની અઈચ્છનીય ઘટના ન બને તે માટે સલમાનની સુરક્ષા વધારી દેવામાં આવી છે.

હજુ પણ પેન્ડિંગ છે કાળિયારનો કેસ 
હકીકતે સલમાન ખાનના કાળિયાર શિકારનો કેસ હજુ પણ ચાલી રહ્યો છે. આ અંગે ચુકાદો આવવાનો બાકી છે. આ મામલે લોરેન્સ બિશ્નોઈએ જોધપુરમાં સલમાન ખાનને મારી નાખવાની ધમકી આપી હતી. તે પછી પણ તેની સુરક્ષા ઘણી વધારી દેવામાં આવી હતી અને હવે ફરી એકવાર સલમાન ખાનની સુરક્ષામાં વધારો કરવામાં આવ્યો છે.

આ જ ગેંગ દ્વારા સિદ્ધૂ મુસેવાલાની હત્યા કરવામાં આવી
પ્રારંભિક તપાસમાં એવું કહેવામાં આવી રહ્યું છે કે સિદ્ધુ મુસેવાલાનું મોત પણ ગેંગ વોરના કારણે થયું છે અને તેના તાર તિહાર જેલથી લઈને કેનેડા સુધી જોડાયેલા છે. તિહાર જેલમાં હાજર લોરેન્સ બિશ્નોઈએ આ હત્યાની યોજના ઘડી હતી અને તેના સાગરિતોની મદદથી તેને અંજામ આપ્યો હતો. નિઃશસ્ત્ર અને બુલેટ પ્રૂફ કાર વિના બહાર આવેલા સિદ્ધુ મુસેવાલાને ગોળી મારી દેવામાં આવી હતી.