શુભ વિવાહ / KL રાહુલ બાદ ટીમ ઈન્ડિયાનો આ ઓલરાઉન્ડર ફરશે સાત ફેરા, મહેંદીની તસવીરો આવી સામે

• KL રાહુલ બાદ અક્ષર પટેલ લેશે સાત ફેરા 
• ગુજરાતમાં મેહા પટેલ સાથે કરશે લગ્ન 
• મહેંદી સેરેમનીના ફોટો આવ્યા સામે 

ભારતીય ક્રિકેટ ટીમમાં હાલ લગ્ન સીઝન ચાલી રહી છે. હાલમાં જ KL રાહુલે સુનીલ શેટ્ટીની દિકરી આથિયા શેટ્ટી સાથે લગ્ન કર્યા. કેએલ રાહુલ બાદ હવે ટીમ ઈન્ડિયાના દિગ્ગજ ઓલરાઉન્ડર અક્ષર પટેલ પણ લગ્નના બંધનમાં બંધાવવા જઈ રહ્યો છે. તેની મહેંદી સેરેમનીના વીડિયો સોશિયલ મીડિયા પર ખૂબ જ વાયરલ થઈ રહ્યા છે. 

મહેંદી તસવીરો થઈ વાયરલ 
અક્ષર પટેલ અને તેની ભાવી પત્ની મેહા પટેલ 26 જાન્યુઆરીએ લગ્નના બંધનમાં બંધાઈ જશે. તેના એક દિવસ પહેલા 25 જાન્યુઆરીએ અક્ષર પટેલની મહેંદી સેરેમની કાર્યક્રમ હતો. જણાવી દઈએ કે બન્નેના લગ્ન ગુજરાતી રીતિ-રિવાજ સાથે વડોદરામાં થશે. અક્ષર પટેલના સાથે ખિલાડી જયદેવ ઉનાદકટે અક્ષર પટેલની મહેંદીની તસવીરો શેર કરી છે. 

ડાયટિશિયન છે મેહા પટેલ 
જણાવી દઈએ કે અક્ષર પટેલ અને મેહા પટેલ એક બીજાને ઘણા લાંબા સમયથી ઓળખે છે. અક્ષરની ભાવી પત્ની એક ડાયટિશિયન અને ન્યૂટ્રિનિસ્ટ છે. અક્ષર પટેલ ટીમ ઈન્ડિયા માટે લાંબા સમયથી રમી રહ્યા છે. જણાવી દઈએ કે તે શાનદાર બોલિંગ માટે ફેમસ છે. તેણે 8 ટેસ્ટ, 49 વન ડે અને 40 ટી20માં ક્રમશઃ 47,56 અને 37 વિકેટ લીધી હતી.