ધમકી / કમલેશ તિવારીની હત્યા બાદ વધુ એક નેતા કટ્ટરવાદીઓના નિશાને! મળી રહી છે સતત ધમકીઓ

• મેં દુબઇ સે બોલ રહા હું,,તેરા ટાઈમ પુરા હો ગયા તું ભી મરેગા
• 'ઉપદેશ રાણા તેરા ટાઈમ પુરા હો ગયા તું ભી મરેગા'
• મળી રહી છે સતત ધમકીઓ 

રાષ્ટ્રીય મહાસચિવ વિશ્વ સનાતન સંઘના રાષ્ટ્રીય પ્રચારક અને રાણા યુથ ઓર્ગેનાઇઝેશન સંગઠનના રાષ્ટ્રીય અધ્યક્ષ ઉપદેશ રાણાને અજાણ્યા નંબર પરથી કોઈએ ફોન કરીને કહ્યું કે 'ઉપદેશ રાણા તેરા ટાઈમ પુરા હો ગયા તું ભી મરેગા' થોડી વાર બીજા એક નંબરથી ફોન કરીને કહ્યું  'તું ઘર પે હે ક્યાં મેં 'દુબઇ સે બોલ રહા હું, તુજે જાન સે મારના હૈ' જેવી.ધમકી મળી હોવાની ફરિયાદ નરોડા પોલીસ સ્ટેશનમાં નોંધાઇ છે.

બીભત્સ ગાળો બોલીને ફોન કાપી નાખ્યો
સુરતના દેલાડવા ગામમાં આનંદી ટાઉનશીપમાં રહેતા ઉપદેશ રાણા સોશિયલ વર્કર છે. તેઓ રાષ્ટ્રીય મહાસચિવ વિશ્વ સનાતન સંઘના રાષ્ટ્રીય પ્રચારક તરીકે ત્રણ વર્ષથી કામ કરે છે અને રાણા યુથ ઓર્ગેનાઇઝેશન સંગઠનના રાષ્ટ્રીય અધ્યક્ષ પણ છે. બે દિવસ પહેલા તેઓ અમદાવાદ આવ્યા હતા અને નરોડામાં શેખાવત પેલેસ નામની હોટલમાં તેમના સેક્રેટરી સોમિલ શર્મા સાથે રોકાયા હતા. ત્યારે તેમના ફોન પર અજાણ્યા નંબર પરથી ફોન આવતા સેક્રેટરી સોમિલ શર્માએ ફોન ઉપાડ્યો હતો. ફોન કરનાર વ્યક્તિએ "ઘર પર તું ઉપર હૈ યા નીચે હૈ, તુજે કૈસે મરના હૈ, દફનાના હૈ યા સ્મશાન મેં જલના હૈ, તેરે પાસ દો રાસ્તે હૈ, તુને કભી ગોસ્ટ ખાયા હૈ," કહી બીભત્સ ગાળો બોલીને ફોન કાપી નાખ્યો હતો.

"તું ઘર પે હૈ ક્યા, મેં દુબઇ સે બોલ રહા હું,
બાદમાં એકાદ કલાક પછી ફરી ફોન આવ્યો હતો. ફોન કરનાર વ્યક્તિએ "તું ઘર પે હૈ ક્યા, મેં દુબઇ સે બોલ રહા હું, તુજે જાનસે મારના હૈ, તીન દિન બાદ તુ મુંબઇ વીટી રેલવે સ્ટેશન પે નૌ બજે મિલ. મેં દુબઇ સે ફ્લાઇટ લેકર મુંબઇ આ રહા હું, તુજે જાનસે મારના હૈ" કહીને ધમકીઓ આપી હતી.

'ઉપદેશ રાણા તેરા ટાઇમ પૂરા હો ગયા, તું ભી મરેગા'
ફરી રાત્રે 12 વાગ્યે આ જ નંબર પરથી ફોન આવ્યો હતો અને ફોન કરનાર વ્યક્તિએ ધમકી આપતા કહ્યું હતું કે, 'ઉપદેશ રાણા તેરા ટાઇમ પૂરા હો ગયા, તું ભી મરેગા.' આવું કહીને ફોન કરનાર વ્યક્તિએ ફોન કાપી નાખ્યો હતો. જે બાદ ઉપદેશ રાણાએ પોતાના જીવનું જોખમ લાગતા જ નરોડા પોલીસનો સંપર્ક કર્યો હતો. નરોડા પોલીસે ઉપદેશ રાણાએ અજણ્યા ઈસમો વિરુદ્ધમાં ફરિયાદ નોંધીવી હતી અને પોલીસે હાલ મોબાઇલ કરનાર વ્યક્તિના મોબાઇલ નંબરના આધારે તપાસ હાથ ધરી છે.