સોશિયલ મીડિયા / કેન્દ્રીય મંત્રી રવિશંકરનું ટ્વીટર અકાઉન્ટ બ્લોક થવા પર, થરુરે કહ્યું મારી સાથે પણ આવુ જ થયુ છે

•  શશિ થરુરનું અકાઉન્ટ પણ બ્લોક થયાની વાત પણ સામે આવી 
• ટ્વીટરે શશિ થરુરની એક ટ્વીટને ડિલીટ કરી દીધી કેમ કે...
•  ટ્વીટર પાસે આનો જવાબ માંગવામાં આવશે- થરુર

 શશિ થરુરનું અકાઉન્ટ પણ બ્લોક થયાની વાત પણ સામે આવી 

કેન્દ્રીય મંત્રી રવિશંકર પ્રસાદે શુક્રવારે ટ્વીટર પર મોટો આરોપ લગાવતા કહ્યું કે તેમના ટ્વીટર અકાઉન્ટને 1 કલાક માટે બ્લોક કરવામાં આવ્યું છે. ટ્વિટકે આની પાછળનું કારણ અમેરિકન કોપીરાઈટ કાયદા(ડીએમસીએ)નો ભંગ હોવાનું જણાવ્યું છે. એ બાદ કોંગ્રેસના વરિષ્ઠ નેતા અને ઈન્ફરમેસન એન્ડ ટેક્નોલોજી પર બનેલી સમિતિના અધ્યક્ષ શશિ થરુરનું અકાઉન્ટ પણ બ્લોક થયાની વાત પણ સામે આવી છે. થરુરે પોતે ટ્વીટ કરી કહ્યું કે તેમની સાથે પણ આવું થયું છે.

Raviji, the same thing just happened to me. Clearly DMCA is getting hyperactive. This tweet has been deleted by @Twitter because its video includes the copyrighted BoneyM song"Rasputin": https://t.co/ClgP2OKV1o #DanceIsNotJihad pic.twitter.com/IqQD50WhaU
After process, a/c unlocked. https://t.co/TCeT8aGxV6

— Shashi Tharoor (@ShashiTharoor) June 25, 2021

ટ્વીટરે શશિ થરુરની એક ટ્વીટને ડિલીટ કરી દીધી કેમ કે...

પ્રસાદે શુક્રવારે પોતાનું અકાઉન્ટ બ્લોક થયાની માહિતી આપી હતી કે તેમનું અકાઉન્ટ કલાક માટે કોપીરાઈટના ભંગ કરવાના આધાર પર 1 કલાક બ્લોક કરાયું અને પાછું ચાલુ કરાયું છે. પ્રસાદની ટ્વીટ પર રીટ્વીટ કરતા સૂચના્ને ટેક્નોલોજી પર બનેલી સમિતીના સંસદીય અધ્યક્ષ શશિ  થરુરે કહ્યું કે રવિ જી, મારી સાથે પણ આમ થયું છે. સ્પષ્ટ રીતે ડીએમસીએ વધારે સક્રિય થઈ રહ્યુ છે. કોંગ્રેસ સાંસદના જણાવ્યાનુંસાર ટ્વીટરે તેમની એક ટ્વીટને ડિલીટ કરી દીધી કેમ કે તે કોઈ જમાનામાં પ્રખ્યાત વોકલ ગ્રુપ બોની એમનું ગીત રાસપુતિન સાથે સંબંધિત કોપીરાઈટનો મામલો હતો. થરુરે કહ્યું કે પ્રક્રિયા બાદ તેમનું અકાઉન્ટ ફરીથી શરુ કરવામાં આવ્યું.

ટ્વીટર પાસે આનો જવાબ માંગવામાં આવશે

કોંગ્રેસી નેતા શશિ થરુરે કહ્યુ કે ટ્વીટર પાસે આનો જવાબ માંગવામાં આવશે. ટ્વીટર પાસે એજ સ્પષ્ટીકરણ માંગવામાં આવશે કે ભારતમાં કારોબાર કરતા તે કયા નિયમો તથા પ્રક્રિયાનું પાલન કરી રહ્યા છે.  ઉલ્લેખનીય છે કે ટ્વીટર અને સરકારની વચ્ચે તણાવ વધી રહ્યો છે. સંસદીય સમિતિએ ટ્વીટરના અધિકારીઓને શુક્રવારે શાંજે તેમની સમક્ષ રજૂ થવા માટે સમન્સ જારી કર્યુ હતુ. આ જ ક્રમમાં સંસદીય સમિતિની સામે ટ્વીટર ઈન્ડિયાના પ્રતિનિધિ રજૂ થયા અને સોશિયલ મીડિયા મંચના દુરઉપયોગ, નાગરિકોના અધિકારોની રક્ષાના મુદ્દા પર નિવેદન નોંધવામાં આવ્યું. આ બાદ સામે આવેલી જાણકારી મુજબ સમિતિએ કંપનીના અધિકારીઓને ફટકાર લગાવી છે. ટ્વીટર તરફથી પ્રાઈવસી પોલિસીનો હવાલો આપવામાં આવતા સમિતિએ કહ્યું દેશનો કાયદો મોટો છે તેમની નીતિ નહીં.