IPLIN
 

ગજ્જબ / iPhone અને તેલ બાદ હવે તંત્રના અધિકારીઓ નવું લાયા: હવે વેક્સિનની સાથે મળશે આ વસ્તુ

Team VTV 04:54 PM, 22 Jan 22
Follow us
After iPhone and oil, now the officials of the system have brought a new thing: now this thing will be found with the vaccine

વેક્સિન લેનારા તરૂણોનો લકી ડ્રો કરવામાં આવશે. જેમાં 5 લકી તરૂણને આઈફોન આપવામાં આવશે. ઉપરાંત એક NGOની મદદથી 25,000 તરૂણોને સ્કૂલ બેગ પણ આપવામાં આવશે.

 

  • 15થી 17 વર્ષના વિદ્યાર્થીઓ માટે આકર્ષક યોજના 
  • મહાનગર પાલિકાએ આકર્ષણમાં કર્યો નવો ઉમેરો 
  • iPHONE ઉપરાંત એક NGO આપશે સ્કૂલ બેગ 


અમદાવાદ મહાનગર પાલિકાએ તરુણોને આકર્ષિત  કરવાના હેતુસર એક નવી યોજના બહાર પાડી છે. જેમાં 15થી 17 વર્ષના વિદ્યાર્થીઓને વેકસીન લેવા માટે  પ્રોત્સાહિત કરવા એક નિર્ણય લેવાયો છે. આ મુજબ, વેક્સીન લેનાર પાંચ તરુણોને AMC લકી ડ્રો દ્વારા iPHONE આપશે વેક્સીન પ્રક્રિયાને વેગવંત બનાવવા તરૂણો માટે વેક્સિનેશન શરૂ કરવામાં આવ્યું છે. અમદાવાદ મહાનગરપાલિકાએ આ કામગીરી પૂર્ણ કરવા નવી સ્કિમ બહાર પાડી છે. વેક્સિન લેનારા તરૂણોનો લકી ડ્રો કરવામાં આવશે. જેમાં 5 લકી તરૂણને આઈફોન આપવામાં આવશે. ઉપરાંત એક NGOની મદદથી 25,000 તરૂણોને સ્કૂલ બેગ પણ આપવામાં આવશે. સરકારે 2.70 લાખ તરૂણોને વેક્સિનેટ કરવા ટાર્ગેટ આપ્યો છે. જેમાંથી 1.85 લાખનું વેક્સિનેશન પૂર્ણ થઇ ગયું છે. આ ટાર્ગટ પૂર્ણ કરવા AMC સ્કૂલોમાં રિ-વિઝીટ કરીને વેક્સિનેશન કામગીરી કરી રહી છે. ઉપરાંત ડ્રોપ આઉટ તરૂણોની યાદી મેળવીને પણ વેક્સિનેશન આગળ વધારવાની કામગીરી કરી રહી છે.

કોરોના વૈશ્વિક મહામારી સામે લડવા માટે હાલ સૌથી મોટું હથિયાર હોય તો તે વેક્સિન છે. ભારતમાં હાલ મોટા પાયે વેક્સિનેશન ચાલી રહ્યું છે. વિશ્વમાં સૌથી વધારે વેક્સિન આજે ભારતમાં અપાઈ રહી છે. ત્યારે હવે અમદાવાદમાં વેક્સિનેશન માટે મનપા દ્વારા અનેક પ્રયાસ કરવામાં આવી રહ્યા છે. દિવાળી પહેલા 100 ટકા વેક્સિનેશનનો મનપાનો ટાર્ગેટ છે. અત્યાર સુધી 95 ટકા લોકોને પ્રથમ ડોઝ અપાઇ ચૂક્યો છે. તો 50 ટકા લોકોને વેક્સિનના બંને ડોઝ અપાયા છે. તો અમદાવાદ શહેરમાં શહેરમાં અત્યાર સુધી વેક્સિનનો પહેલો ડોઝ 45.75 લાખ અને બીજો ડોઝ 23.30 લાખને અપાયો છે. આમ શહેરમાં અત્યાર સુધી કુલ 69.05 લાખ લોકોનું વેક્સિનેશન થયું છે.

જોકે હજુ એવા કેટલાક લોકો છે જે વેક્સિન લેવા માટે આવતા નથી. ખાસ કરીને સ્લમ વિસ્તારમાં રસીકરણ મંદ ગતિએ ચાલી રહ્યું છે. ત્યારે અમદાવાદમાં એક નવતર પ્રયોગ શરૂ કરાયો છે. આ પ્રયોગના સફળ પરિણામ પણ મળ્યા છે.

 શું છે આ સફળ પ્રયોગ

અમદાવાદમાં વેક્સિનેશનને અદભૂત પ્રતિસાદ મળી રહ્યો છે. અમદાવાદમાં વેક્સિનેશન વધારવા લકી ડ્રો સ્કીમ શરૂ કરાશે. લકી ડ્રોમાં વિજેતાઓને 25 સ્માર્ટ ફોન આપવામાં આવશે. હાલ સ્લમ વિસ્તારમાં વેક્સિન લેનારને ખાદ્યતેલ અપાઇ રહ્યું છે. તો આ અંગે AMCના આરોગ્ય અધિકારી ડો.ભાવિન સોલંકીએ જણાવ્યું હતું કે, હાલ 20 હજાર લિટર કરતા વધુ ઓઈલ આપવામાં આવી રહ્યું છે. બે દિવસમાં લકી ડ્રો વિજેતાઓને ફોન આપવામાં આપવામાં આવશે 


 

અમદાવાદ મહાનગર પાલિકા તરુણો વિધાર્થીઓ સ્કૂલ બેગ સ્કીમ આઈ ફોન વેક્સીન લકી ડ્રો વિજેતા
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ