ઈન્ડિયા રેટિંગ્સે નાણાંકીય વર્ષ 2019-20માં ભારતના ઘરેલૂ ઉત્પાદમાં ફક્ત 5.5 ટકાના વધારાનું અનુમાન કર્યું છે. પહેલાં એજન્સીને લાગતું કે આ નાણાંકીય વર્ષમાં થોડો સુધારો આવશે પણ હવે તેનું કહેવું છે કે ભારતીય અર્થવ્યવસ્થા ઓછી ખપત અને ઓછા રોકાણની માંગના સમયમાં ફસાઈ રહી છે.
અર્થવ્યવસ્થાને લઈને મોદી સરકાર માટે માઠા સમાચાર
ઈન્ડિયા રેટિંગ્સે દેશના જીડીપી ગ્રોથ અનુમાનને ઘટાડીને 5.5 ટકાનો કર્યો
આ પહેલાં પણ એક કંપનીએ આ અનુમાન 4.8 ટકાનું આપ્યું હતું
આંતરરાષ્ટ્રીય નાણાકીય ભંડોળ (IMF) પછી અન્ય રેટિંગ એજન્સીએ ભારતીય અર્થવ્યવસ્થાના જીડીપી વૃદ્ધિના અંદાજમાં ઘટાડો કર્યો છે. ઈન્ડિયા રેટિંગ્સ અને રિસર્ચ દ્વારા આ નાણાકીય વર્ષમાં એટલે કે 2019-20માં ભારતના કુલ ઘરેલુ ઉત્પાદન (જીડીપી) માં ફક્ત 5.5 ટકા વૃદ્ધિની આગાહી કરવામાં આવી છે. જોકે, આઇએમએફના આ આંકડા 4.8 અને ભારત સરકારની રાષ્ટ્રીય આંકડા કચેરીના 5 ટકાના અનુમાન કરતા ઘણા વધારે છે.
એજન્સીએ અનુમાન અંગે આપ્યું નિવેદન
ઉલ્લેખનીય છે કે આ પહેલાં ગયા નવેમ્બરમાં ફિચ સમૂહની આ રેટિંગ એજન્સીએ જીડીપીમાં આ નાણાંકીય વર્ષમાં 5.6 ટકાનો વધારો થવાનું અનુમાન કર્યું છે. એજન્સીનું કહેવું છે કે પહેલાં તેમને લાગતું હતું કે આ નાણાંકીય વર્ષમાં કેટલાક સુધારા આવશે પરંતુ નાણાંકીય અર્થવ્યવસ્થા ઓછી ખપત અને ઓછા રોકાણની માગના સમયમાં ફસાતી જોવા મળી રહી છે.
નવા નાણાંકીય વર્ષમાં સુધારો થાય તેવી શક્યતા ઓછી
ઈન્ડિયા રેટિંગ્સ એન્ડ રિસર્ચના ઈકોનોમિસ્ટ સુનિલ સિન્હાએ કહ્યું કે અમને આશા હતી કે નાણાંકીય વર્ષ 2021માં સુધારો થશે. જોખમ તો એમ જ છે. આ કારણે ભારતીય અર્થવ્યવસ્થા ઓછી ખપત અને નબળી માંગના ચક્રમાં ફસાતી જોવા મળી રહી છે.