આનંદ મહિન્દ્રા બાદ હવે ફેમશ ઉદ્યોગપતિ હર્ષ ગોયનકા પણ ટ્રેન્ડમાં શામેલ થઈ ગયા છે. તેમણે શેર કર્યા છે સ્ટ્રોબેરી અને ચોકલેટ સમોસા.
ઈડલી બાદ વાયરલ થઈ રહી છે નવી રેસિપી
ચોકલેટ અને સ્ટ્રોબેરી સમોસાનો વીડિયો વાયરલ
આનંદ મહિન્દ્રા બાદ હર્ષ ગોયનકા ટ્રેન્ડમાં શામેલ
વિચિત્ર અને અજીબોગરીબ રેસિપીનું સોશિયલ મીડિયા પર જાણે પૂર આવ્યું છે. એક પછી એક તસ્વીરો સોશિયલ મીડિયા પર વાયરલ થઈ રહી છે. આનંદ મહિન્દ્રાએ શેર કરેલી આઈસ્ક્રીમ સ્ટિક ઈડલી સોશિયલ મીડિયા પર વાયરલ થઈ હતી. ત્યાર બાદ હવે વધુ એક વીડિયો સોશિયલ મીડિયા પર વાયરલ થઈ રહ્યો છે. આ વખતે ફેમસ ઉદ્યોગપતિ હર્ષ ગોયનકા ટ્રેન્ડમાં શામેલ થઈ ગયા છે. તેમણે ટ્વિટર પર એક અજીબોગરીબ પોસ્ટ શેર કરી છે. વીડિયોમાં એક વ્યક્તિ અલગ પ્રકારના સમોસા બતાવતો જોવા મળી રહ્યો છે. સમોસામાં સ્ટ્રોબેરી અને ચોકલેટના વર્ઝન દેખાઈ રહ્યું છે.
આનંદ મહિન્દ્રા બાદ હર્ષ ગોયનકા ટ્રેન્ડમાં શામેલ
હર્ષ ગોયનકાએ વીડિયો શેર કરતા લખ્યું, "લોલીપોપ ઈડલીને સોશિયલ મીડિયા પર વાયરલ થતા જોવું ઠીક હતું પરંતુ આ..."
Seeing the lollipop idli circulating in social media was ok, but this one 😱😱! pic.twitter.com/aKArtGMLyb
સ્ટ્રોબેરી, ચોકલેટ સમોસાનો વીડિયો વાયરલ
18 સેકેન્ડની ક્લિપમાં એક વ્યક્તિ સમોસાના ઘણા પ્રકાર દર્શાવતો જોવા મળી રહ્યો છે. એવું લાગી રહ્યું છે કે સ્ટ્રોબેરી અને ચોકલેટ સમોસા બતાવતો આ વ્યક્તિ કોઈ ફૂડ બ્લોગર છે. ઈન્ટરનેટ પર વીડિયો આવવાની સાથે જ વાયરલ થઈ ગયો છે. તેને હજારોમાં લાઈક્સ મળી રહી છે અને સંખ્યામાં વધારાનો સિલસિલો ચાલી રહ્યો છે. પોસ્ટના લોકોને પોતાનું રિએક્શન આપવા માટે કહેવામાં આવ્યું છે.
સોશિયલ મીડિયા પર અમુક લોકો આ વીડિયોને જોઈને અલગ અલગ પ્રકારની કમેન્ટ્સ કરી રહ્યા છે. અમુક કહી રહ્યા છે કે આવા મિશ્રણ વાળા ભોજનની વિરૂદ્ધ કાયદો હોવો જોઈએ.