દુઃખદ / પપ્પાનાં એક્સિડેન્ટ પછી સાત વર્ષનો દીકરો બન્યો ZOMATO નો ડિલિવરી બોય, સ્કૂલ પત્યા પછી સાઇકલ પર કરે છે મહેનત

• 7 વર્ષનો ઝોમેટો ડિલિવરી બોય 
• સાઈકલ દ્વારા ગ્રાહકો સુધી પહોંચાડે છે ભોજન 
• પિતાના અકસ્માત બાદ શરૂ કર્યું આ કામ 

સાચું જ કહેવાય છે કે 'જવાબદારીઓનો બોજ માણસને ઉંમર પહેલા વૃદ્ધ બનાવે છે'. આ 7 વર્ષનો સ્કૂલબોય તેના પિતાના અકસ્માત બાદ Zomato ડિલિવરી એજન્ટ બની ગયો છે. તે રાત્રે 11 વાગ્યા સુધી સાઇકલ દ્વારા ગ્રાહકોને ભોજન પહોંચાડવાનું કામ કરે છે.

પરિવાર માટે કરે છે આ કામ 
એક ટ્વીટર યુઝર રાહુલ મિત્તલ દ્વારા કરવામાં આવેલા એક ટ્વીટ બાદ આ બાળકની સ્ટોરી લોકોના સામે આવી છે. બાળકે જણાવ્યું કે તે સવારે સ્કૂલ જાય છે અને સાંજે પરિવારનું ભરણ પોષણ કરવા માટે રાત્રે ભોજન પહોંચાડવાનું કામ કરે છે.  

This 7 year boy is doing his father job as his father met with an accident the boy go to school in the morning and after 6 he work as a delivery boy for @zomato we need to motivate the energy of this boy and help his father to get into feet #zomato pic.twitter.com/5KqBv6OVVG

— RAHUL MITTAL (@therahulmittal) August 1, 2022

કેપ્શનમાં મિત્તલે લખ્યું, "આ 7 વર્ષનો છોકરો તેના પિતાની નોકરી કરી રહ્યો છે કારણ કે તેના પિતાનો અકસ્માત થયો હતો. છોકરો સવારે શાળાએ જાય છે અને 6 પછી તે Zomato માટે ડિલિવરી બોય તરીકે કામ કરે છે. આપણે આ બાળકને ઊર્જા આપવાની જરૂર છે. આ છોકરા અને તેના પિતાને તેમના પગભર રહેવામાં મદદ કરો #zomato."

ટ્વીટર પર શેર થયો વીડિયો 
રાહુલ મિત્તલ દ્વારા શેર કરવામાં આવેલા વીડિયોમાં તેને એક છોકરા સાથે વાતચીત કરતા સાંભળી શકાય છે. એક હાથમાં ચોકલેટ અને બીજા હાથમાં ફોન પકડેલા છોકરાએ જણાવ્યું કે તે ઘરે ઘરે ભોજન પહોંચાડવા માટે સાંજે 6 થી 11 વાગ્યા સુધી સાયકલ ચલાવે છે.

વીડિયો થઈ રહ્યો છે વાયરલ
ટ્વિટર વિડિયોને 34,000થી વધુ વ્યૂઝ મળી ચૂક્યા છે અને ઘણા યુઝર્સે યુવાન છોકરાની હિંમતની પ્રશંસા કરી છે. ઘણા લોકોએ તેને દુઃખદ સ્થિતિ પણ ગણાવી હતી.