અફઘાન કટોકટી / તાલિબાનને શિખામણ, મહેબુબા મુફતીએ કહ્યું આ રીતે શાસન કરો દુનિયામાં ડંકો વાગશે

• પીડીપી ચીફ મહેબુબા મુફતીએ તાલિબાની રાગ આલાપ્યો 
• કહ્યું તાલિબાની છાપ સુધારે તો દુનિયા માટે દાખલો બની શકે 
• શરિયત પ્રમાણે ચાલવી જોઈએ નવી તાલિબાની સરકાર 

ફારુક અબ્દુલા બાદ હવે જમ્મુ કાશ્મીરના પૂર્વ મુખ્યમંત્રી મુફતીએ કુલગામમાં કહ્યું તાલિબાન હકીકત બનીને સામે આવી રહ્યાં છે જો તેઓ તેમની છાપ સુધારે તો દુનિયા માટે દાખલો બની શકે છે.

મુફતીએ કહ્યું કે અફઘાનિસ્તાનમાં જે અસલી શરિયા છે તે અમારા કુરાન શરીફમાં છે જે બાળકો અને મહિલાઓને અધિકાર આપે છે. કઈ રીતે શાસન કરવું તે અમારા મદીનાનું મોડલ રહ્યું છે જો તાલિબાન ખરેખર શરિયા કાયદાનો અમલ કરીને રાજ કરે તો તે દુનિયા માટે ઉદાહરણ બની શકે છે. જો તેઓ આવું કરે તો દુનિયાના દેશો તેની સાથે કારોબારી સંબંધ વિકસાવી શકે છે.

તાલિબાન ઈસ્લામના સિદ્ધાંતો પ્રમાણે સારી સરકાર ચલાવશે- ફારુક અબ્દુલા
નેશનલ કોન્ફરન્સના પ્રમુખ ફારૂખ અબ્દુલ્લાનું એક વિવાદીત નિવેદન સામે આવ્યું છે. ફારૂખ અબ્દુલ્લાએ કહ્યું છે કે, તાલિબાન ઈસ્લામના સિદ્ધાંતો પ્રમાણે સારી સરકાર ચલાવશે. રસપ્રદ વાત એ છે કે ધર્મ નિરપેક્ષ દેશોના નેતા ફારૂખ અબ્દુલ્લા ઈસ્લામ સિદ્ધાંતવાળી સરકારનું સમર્થન કરી રહ્યાં છે.

તાલિબાન દરેક  દેશ સાથે સારા સંબંધો બનાવશે-અબ્દુલા 

લોકસભાના સાંસદ ડૉ. ફારૂખ અબ્દુલ્લાએ મીડિયા સાથે વાતચીત કરતા કહ્યું, "અફઘાનિસ્તાન એક અલગ દેશ છે. તેમણે હવે દેશને સંભાળવાનો છે. હું એવી આશા રાખુ છુ કે દરેક સાથે ન્યાય કરશે અને સારી સરકાર ચલાવશે. ઈસ્લામિક સિદ્ધાંતો પ્રમાણે સારી સરકાર ચલાવશે. તેમણે પ્રયાસ કરવો જોઈએ કે દરેક દેશ સાથે સારા સંબંધો બનાવે.