નવા ટ્રાફિક નિયમો વધુને વધુ સજ્જડ થઈ રહ્યા છે પહેલાં જે કાયદાના ભંગ માટે રૂ 100 ચૂકવવા પડતા હતા તેને માટે હવે રૂા. 500 ચૂકવવા પડશે. આ ઉપરાંત ઈ-મેમોની માહિતી વિમા કંપનીને શેર કરવાની વાત હતી જે અંગે ટ્રાફિક એસીપીએ સ્પષ્ટતા કરી કે આ વાત ખોટી છે. સરકાર કોઈ પણ પ્રકારે ઈ મેમોના ડેટા વિમા કંપનીને શેર કરશે નહીં.
સરકાર દ્વારા ટ્રાફિકના નિયમો વધુને વધુ કડક બનાવાઈ રહ્યા છે. નવા મોટર વ્હીકલ એક્ટ અનુસાર દંડની રકમ સીધી પાંચ ગણી વસુલવામાં આવવાની છે. જો પહેલા ઈ-મેમાને ભરવામાં ઢીલાશ કરવામાં આવશે તો તેમાં પ્રીમિયમ ઉમેરાશે આ વાત ખોટી છે.
શું કહ્યુ ટ્રાફિક વિભાગે?
પોલીસ વાહન ચાલકોનો ડેટા વીમા કંપની સાથે શેર કરશે અને ત્રણ વારથી વધુ વખત ટ્રાફિક નિયમના ભંગ બાદ વીમા પ્રીમિયમ વધારવાની વાતને નકરાતા ટ્રાફિક વિભાગના ACP એ.એમ પટેલે જણાવ્યું હતુ કે, હાલ તો આવી કોઈ ચર્ચા કે વિચારણા નથી. પોલીસ વાહનચાલકોનો ડેટા વીમા કંપની સાથે શેર કરવાની નથી. આ વાત માત્ર એક અફવા છે
શું હતી અફવા
જે વાહનચાલકો ઈ-મેમો નહીં ભરે અથવા આ અંગે દરકાર નહી રાખે તેની ડિટેઈલ્સ ઈન્સ્યોરન્સ કંપનીને આપી દેવામાં આવશે. જેથી વાહન માલિકને વીમો રિન્યૂ કરતી વખતે પ્રીમિયમ વધુ ભરવું પડશે. 6 માસમાં ત્રણવાર નિયમ ભંગ કરનારનો દંડ વીમા પ્રીમિયમમાં ઉમેરાશે. એટલે કે તેને સામાન્ય દંડ તો ચૂકવવો જ પડશે સાથે સાથે વારંવારની ભૂલને કારણે તેના પ્રીમિયમમાં દંડ પણ ઉમેરવામાં આવશે.