જલ્દી કરો / દિવાળી બાદ સોનાની ખરીદીમાં તેજી છતાં કિંમતોમાં થયો ધરખમ ઘટાડો, જાણો આજના લેટેસ્ટ ભાવ

• ભારતીય વાયદા બજારમાં સોનાના ભાવમાં સતત ઘટાડો
• આંતરરાષ્ટ્રીય બજારમાં સોના-ચાંદીના ભાવમાં ઉછાળો જોવા મળ્યો
• સોનાની શુદ્ધતા કેવી રીતે તપાસવી

દિવાળી પછી પણ ભારતીય વાયદા બજારમાં સોનાના ભાવમાં સતત ઘટાડો જોવા મળી રહ્યો છે પણ આંતરરાષ્ટ્રીય બજારમાં આજે એટલે કે 27 ઓક્ટોબર ગુરુવારના દિવસે સોના-ચાંદીના ભાવમાં ઉછાળો જોવા મળ્યો છે. મલ્ટી કોમોડિટી એક્સચેન્જ (MCX) પર સોનાની કિંમત આજે શરૂઆતના કારોબારમાં 0.03 ટકા ઘટી અને સાથે જ MCX પર આજે ચાંદીના ભાવમાં 0.01 ટકાનો ઘટાડો થયો છે.

સોના-ચાંદીના ભાવ 
જણાવી દઈએ કે તહેવારોની આ સિઝનમાં ગુરુવારે વાયદા બજારમાં સવારે 24 કેરેટ શુદ્ધતાની સોનાની કિંમત 17 રૂપિયા ઘટીને 50,670 રૂપિયા પ્રતિ 10 ગ્રામ પંહોચી હતી. સોનાનો ભાવ આજે 50,715 રૂપિયા પર ખુલ્યો હતો અને એ પછી 50,660 રૂપિયા પંહોચ્યો હતો પણ એ પછી થોડો શાંત થયો અને કિંમત 50,715 રૂપિયા પ્રતિ 10 ગ્રામ થઈ ગઈ. આજે મલ્ટી કોમોડિટી એક્સચેન્જમાં ચાંદી પણ સોનાના જ રસ્તે ચાલી હતી અને ચાંદીનો ભાવ આજે રૂ.7 ઘટીને રૂ.58,159 થયો છે. જણાવી દઈએ કે આજએ સવારે ચાંદીનો ભાવ રૂ.58,033 પર ખુલ્યો હતો અને એ પછી તેની કિંમત 58,162 રૂપિયા થઈ ગઈ હતી પણ થોડા સમય પછી તેમાં ઘટાડો થયો અને તે રૂ. 58,033 પર ટ્રેડ થવા લાગી હતી. 

આંતરરાષ્ટ્રીય બજારમાં વધારો જોવા મળ્યો 
આજે આંતરરાષ્ટ્રીય બજારમાં સોના-ચાંદીના ભાવમાં વધારો જોવા મળ્યો હતો. સોનાની હાજર કિંમત આજે 0.72 ટકા વધીને $1,651.13 પ્રતિ ઔંસ થઈ ગઈ અને એ સાથે જ ચાંદીના ભાવમાં પણ વધારો જોવા મળ્યો હતો. ચાંદીનો હાજર ભાવ આજે 1.01 ટકા વધીને 19.52 ડોલર પ્રતિ ઔંસ એ પંહોચ્યો છે. 

સોનાની શુદ્ધતા કેવી રીતે તપાસવી
જણાવી દઈએ કે તમે ઘરે બેઠા BIS કેર એપ દ્વારા સોનાની શુદ્ધતા ચકાસી શકો છો. આ સાથે જ તમારા સોનાનો લાઇસન્સ નંબર, હોલમાર્ક અથવા રજીસ્ટ્રેશન નંબર ખોટો હોય તો તમે સરકારને સીધી ફરિયાદ કરી શકો છો. ફરિયાદ નોંધાયા બાદ તમને આ મામલે શું કાર્યવાહી કરવામાં આવી એ વિશે પણ બધી માહિતી તમને મળી રહેશે.