ચેન્નાઈ સુપર કિંગ્સના સીઈઓ કાશી વિશ્વનાથે આગામી સિઝનના કેપ્ટનને લઈને મોટું અપડેટ આપ્યું છે. એમએસ ધોની અને બેન સ્ટોક્સમાંથી કોણ ટીમની કમાન સંભાળશે આ મુદ્દે નિવેદન આપ્યું છે.
એમએસ ધોની કે બેન સ્ટોક્સ?
કોણ હશે CSKનું કેપ્ટન?
CEO કાશી વિશ્વનાથે આપ્યુ અપડેટ
એમએસ ધોનીની કેપ્ટનસીવાળી ચેન્નાઈ સુપર કિંગ્સની ટીમ આઈપીએલ 2023ની હરાજી પછી ઘણી સારી ટીમ જોવા મળી રહી છે. સીએસકેએ મિની ઓક્શનમાં ઈંગ્લેન્ડના કેપ્ટન બેન સ્ટોક્સને પોતાની ટીમમાં સામેલ કર્યો હતો.
બેન સ્ટોક્સ સીએસકે સાથે જોડાતાની સાથે જ ખબર છે કે આગામી સિઝનમાં એમએસ ધોનીની જગ્યાએ બેન સ્ટોક્સ ટીમની કમાન સંભાળી શકે છે. આ સમાચારો વચ્ચે CSK CEOનું નિવેદન સામે આવ્યું છે જેમણે આ સમાચાર પર મોટું અપડેટ આપ્યું છે.
બેન સ્ટોક્સ બનશે CSKના નવા કેપ્ટન?
IPL 2022ની શરૂઆતમાં ચેન્નાઈ સુપર કિંગ્સે રવિન્દ્ર જાડેજાને કેપ્ટન બનાવ્યો હતો પરંતુ ટીમના ખરાબ પ્રદર્શનને જોતા, એમએસ ધોનીએ ફરી એકવાર કમાન સંભાળી.
હવે એવું માનવામાં આવી રહ્યું છે કે આ વખતે બેન સ્ટોક્સ કેપ્ટન તરીકે રમતા જોવા મળી શકે છે. પરંતુ CSKના CEOનું કહેવું છે કે સ્ટોક્સને કેપ્ટન બનાવવાનો નિર્ણય ધોની સમય સાથે જ લેશે.
એમએસ ધોની પોતે લેશે અંતિમ નિર્ણય
CSKના CEO કાસી વિશ્વનાથને કહ્યું, 'બેન સ્ટોક્સને લઈને ખૂબ જ ઉત્સાહિત હતા અને અમે પણ ભાગ્યશાળી હતા કારણ કે છેલ્લે તે અમને મળ્યો. અમને એક ઓલરાઉન્ડર જોઈતો હતો અને એમએસ ધોની ખૂબ ખુશ હતો કે અમને સ્ટોક્સ મળ્યો.
કેપ્ટનસીનો વિકલ્પ છે પરંતુ એમએસ ધોનીએ સમયની સાથે તેના પર નિર્ણય લેવાનો છે. CSKના CEO કાશી વિશ્વનાથે સ્પષ્ટ કર્યું છે કે MS Dhoni અંતિમ નિર્ણય લેશે. તેથી હવે સિઝનની શરૂઆત પહેલા બધાની નજર ધોની પર રહેશે.