પોસ્ટમેન... શબ્દ સાંભળીને શું યાદ આવે? ખાખી કલરનો યુનિફોર્મ પહેરેલો, સાઇકલ ઉપર ફરતો માણસ કે જે ઘરે ઘરે બધાના પત્રો પહોંચાડતો હોય. પહેલાના જમાનામાં પોસ્ટમેનની રાહ જોવાતી હતી અને તેને જોઇને ખુશ થઇ જવાતુ હતુ કારણકે તે કોઇકનો સંદેશો લઇને તમારી પાસે આવતો હતો. આજના આધુનિક યુગમાં પોસ્ટમેન શબ્દ વિસરાતો જાય છે અને હવે કોઇ એકબીજાને કાગળ લખતુ નથી પરંતુ વાત અહીંયા એક એવા પોસ્ટમેનની છે કે જે આધુનિક કાળમાં પણ પોતાની ફરજ ખૂબ જ સારી રીતે નિભાવી જાણે છે અને લોકોએ તેને પદ્મશ્રી આપવાની માગ પણ કરી છે.
ડી.સિવન ઇમાનદારીનું ઉદાહરણ
15 વર્ષથી ચાલીને પત્રો પહોંચાડે છે
તામિળનાડુના છે ડી.સિવન
વાત છે તામિળનાડુના 65 વર્ષિય પોસ્ટમેન ડી. સિવનની કે જે ગયા અઠવાડિયે જ નિવૃત્ત થયા છે. તેમની રસપ્રદ કહાની ઇન્ટરનેટ પર છવાઇ ગઇ છે. 12000 રૂપિયા મહિનાના પગાર પર નોકરી કરતા ડી. સિવન રોજ 15 કિલોમિટર ચાલીને પહાડી તેમજ જંગલના રસ્તા વચ્ચેથી લોકોને પત્રો પહોંચાડવા જતા હતા. જંગલી જાનવર કે પહાડના વાંકાચૂકા રસ્તા પણ તેમના જસ્બાને હરાવી શક્યા નહી.
Postman D. Sivan walked 15 kms everyday through thick forests to deliver mail in inaccessible areas in Coonoor.Chased by wild elephants,bears, gaurs,crossing slippery streams&waterfalls he did his duty with utmost dedication for 30 years till he retired last week-Dinamalar,Hindu pic.twitter.com/YY1fIoB2jj
IAS સુપ્રિયા સાહૂએ ટ્વિટ કરીને ડી. સિવનના કામને બિરદાવ્યુ હતુ. આ ટ્વિટ અને તેમની વાર્તા ઇન્ટરનેટ પર ખૂબ ધૂમ મચાવી રહી છે. એક યુઝરે ટ્વિટ કરી કે 2018માં તેણે સિવનનું ઇન્ટવ્યૂ લીધુ અને તે ભારત રત્નના હકદાર છે. રાષ્ટ્રપતિને ટેગ કરીને સિવનને પદ્મશ્રી મળે તેવી માગ કરી હતી.
ડી. સિવન એક સામાન્ય પોસ્ટમેન હતા અને તેમણે ઇમાનદારી સાથે તેમનુ કામ કર્યુ. તેમનુ રોજનુ કામ એક પરિક્ષા જેવુ હતુ જેમાં તે દરરોજ પાસ થતા હતા અને લોકો સુધી તેમના પ્રિયજનોના સંદેશા પહોંચાડતા હતા.