બોલિવૂડ / 'ડિયર જિંદગી'ના 5 વર્ષ પછી આ ફિલ્મમાં ફરી ધમાલ મચાવશે શાહરૂખ અને આલિયા, આવી હશે ફિલ્મની સ્ટોરી

• 5 વર્ષ પછી આ ફિલ્મમાં શાહરૂખ આલિયા સાથે કામ કરશે
• શાહરૂખ ખાન અને આલિયા ભટ્ટ હવે 'ડાર્લિંગ્સ'માં એકસાથે જોવા મળશે
• આ મૂવીમાં માતા-પુત્રીની એક મજેદાર વાર્તા કહેવા માટે બંને ભેગા થયા છે

આ વખતે શાહરૂખ ખાન અભિનેતા તરીકે નહીં પણ નિર્માતા તરીકે કામ કરવાનો છે. શાહરૂખ ખાન અને આલિયા ભટ્ટે પહેલાં ગૌરી શિંદેની ફિલ્મ ડિયર જિંદગીમાં સાથે કામ કર્યું હતું, જે સફળ સાબિત થઈ હતી. હવે શાહરૂખ ખાન આલિયા ભટ્ટ સાથે 'ડાર્લિંગ્સ'માં નિર્માતા તરીકે કામ કરવા જઈ રહ્યો છે. સૂત્રોના જણાવ્યા અનુસાર આ ફિલ્મ રેડ ચિલીઝ એન્ટરટેનમેન્ટ દ્વારા બનાવવામાં આવી છે.

 

 

 

 

View this post on Instagram

 

 

 

 

 

 

 

 

 

 

 

A post shared by Shah Rukh Khan (@iamsrk)

થોડાં સમય પહેલાં આલિયાને 'ડાર્લિંગ્સ'ની સ્ટોરીકહેવામાં આવી હતી. એક સૂત્રએ કહ્યું, તેને સ્ટોરી ખૂબ જ પસંદ આવી અને તેણે તરત જ ફિલ્મ માટે હાં પાડી દીધી. જસમીતની રેને ડાર્લિંગ્સની સાથે દિગ્દર્શન તરીકે એન્ટ્રી કરી રહી છે, તેણે ઘણી ફિલ્મોમાં એસોસિએટ ડિરેક્ટર અને ચીફ અસિસ્ટન્ટ ડિરેક્ટર તરીકે કામ કર્યું છે અને અગાઉ 'ફોર્સ 2', 'ફન્ને ખાન' અને 'પતિ પત્ની ઔર વો જેવી ફિલ્મ્સ લખી છે. આ ફિલ્મમાં આલિયા મુખ્ય ભૂમિકાની સાથે શેફાલી શાહ, વિજય વર્મા અને રોશન મેથ્યુ જેવા કલાકારો છે.

એવું કહેવામાં આવી રહ્યું છે કે, આ ફિલ્મમાં એક ખૂબ જ સુંદર માતા અને દીકરીની જોડી જોવા મળશે. જેમાં આલિયા અને શેફાલી આ રોલ પ્લે કરવાના છે. આ ફિલ્મ મુંબઈમાં એક મધ્યમ વર્ગીય પરિવારના બેકડ્રોપ પર આધારિત છે અને તેમાં બે મહિલાઓના જીવનને દર્શાવવામાં આવ્યું છે. અહીં તેમને અસાધારણ પરિસ્થિતિઓમાં હિમ્મત અને પ્રેમ મળે છે. 

આ અઠવાડિયે જ આ ફિલ્મની સત્તાવાર જાહેરાત થવાની સંભાવના છે અને ડાર્લિંગ્સનું શૂટિંગ 2021ના પહેલાં ત્રિમાસિક ગાળામાં જ શરૂ કરવામાં આવશે. મહત્વની વાત એ છે કે મૂવીને રીલિઝ પણ આ વર્ષે એટલે કે 2021ના અંત સુધીમાં કરવાની શાહરૂખ એન્ડ ટીમની તૈયારી છે. પ્રી-પ્રોડક્શનનું કામ પૂરજોશમાં ચાલી રહ્યું છે અને ટીમ ટૂંક સમયમાં મુંબઈમાં શૂટિંગ શરૂ કરશે.

ડાર્લિંગ્સ ઉપરાંત શાહરૂખ ખાનની પ્રોડક્શન ટીમ અનેક ફિલ્મો પાર હાલ કામ કરી રહી છે, જેમાં બોબી દેઓલ, વિક્રાંત મેસી અને સાન્યા મલ્હોત્રા અભિનિત લવ હોસ્ટેલ જે રીલિઝ માટે તૈયાર છે અને અભિષેક બચ્ચન સાથેની બોબ બિસ્વાસ પોસ્ટ પ્રોડક્શન સ્ટેજમાં છે.