આગાહી / અરબી સુમદ્રમાં ફરી 'મહા' વાવાઝોડું સક્રિય થયું, હવામાન વિભાગે જાહેર કર્યુ અલર્ટ

• ઉત્તર-પશ્ચિમ તરફથી આગળ વધશે મહા વાવાઝોડું
• સૌરાષ્ટ્રના દરિયાકાંઠે કરંટ જોવા મળશે
• અરબી સમુદ્રમાં ફરી વાવાઝોડું સક્રિય

ગુજરાતનામાં વરસાદની આગાહી યથાવત છે. ગુજરાતના દ. ગુજરાત. મધ્ય ગુજરાત અને સૌરાષ્ટ્ર સહિતના વિસ્તારમાં સામાન્યથી મધ્યમ વરસાદની આગાહી હવામાન ખાતા દ્વારા આપવામાં આવી છે. એક જ સમયે અરબ સાગરમાં બે સાયક્લોન હોય તે કદાચ આ પહેલી ઘટના છે. તેમાંય ક્યાર પણ ઓમાનના દરિયા તરફ ફંટાયુ છે પણ તે દિવસે દિવસે વિકરાળ થતુ જઈ રહ્યુ છે બીજી તરફ દક્ષિણમાંથી મહા આગળ આવી રહ્યુ છે ત્યારે આ બંને સાયક્લોન ભારત માટે તબાહીનો પર્યાય બની શકે તેમ છે. 

અરબી સમુદ્રમાં ફરી વાવાઝોડું સક્રિય
અરબી સમુદ્રમાં ફરી એક વાર ડીપ ડીપ્રેશનને પરિણામે ચક્રાવાતનું નિર્માણ થયુ છે. હવામાન વિભાગે આ વાવાઝોડાને મહા  નામ આપ્યું છે. ઓમાન તરફ જતા વાવાઝોડાને નામ આપવામાં આવ્યુ છે. 

ઉત્તર-પશ્ચિમ તરફથી આગળ વધશે મહા વાવાઝોડું
મહા ચક્રાવાત ઉત્તર-પશ્ચિમ તરફથી આગળ વધી રહ્યુ છે. વાવાઝોડું 6 કલાકમાં 15 કિમીનું અંતર કાપી રહ્યું છે. 6 કલાકમાં  સીવિયર  સાયક્લોન બનશે. માછીમારોને દરિયો ન ખેડવા સૂચના આપી દેવામાં આવી છે. 

સૌરાષ્ટ્રના દરિયાકાંઠે કરંટ જોવા મળશે
આ વાવાઝોડાને કારણે ગુજરાતના દરિયાકાંઠે કરંટ જોવા મળશે. એમાંય માંગરોળ અને પોરબંદર તેમજ દ્વારકાના દરિયામાં વધુ અસર જોવા મળશે.