લાલપેટમાં બેડમિન્ટન રમતા એક વ્યક્તિનું અચાનક હાર્ટ એટેકથી મોત
યુવક દરરોજ ઓફિસથી પરત આવ્યા બાદબેડમિન્ટન રમવા જતો હતો
હૈદરાબાદના સિકંદરાબાદના લાલપેટમાં બેડમિન્ટન રમતા એક વ્યક્તિનું અચાનક હાર્ટ એટેકથી મૃત્યુ થયું હતું. આ ઘટનાનો વીડિયો પણ હાલ સોશિયલ મીડિયામાં વાયરલ થઈ રહ્યો છે. જેમાં 38 વર્ષીય શ્યામ યાદવ બેડમિન્ટન કોર્ટ પર સૂતેલી હાલતમાં જોવા મળી રહ્યા છે. આ તરફ પરિવારજનોએ જણાવ્યું કે, શ્યામ ઓફિસથી પરત આવ્યા બાદ દરરોજ બેડમિન્ટન રમવા જતો હતો.
સિકંદરાબાદના લાલપેટમાં મંગળવારે સાંજે બેડમિન્ટન રમતા એક યુવકનું અચાનક હાર્ટ એટેકથી મોત થયું છે. વાત જાણે એમ છે કે, દરરોજ ઓફિસથી પરત આવ્યા બાયડ બેડમિન્ટન રમવા જતાં 38 વર્ષીય શ્યામ યાદવ માટે મંગળવારનો દિવસ કાળ સાબિત થયો હતો. ગઈકાલે એટલે કે મંગળવારે તે બેડમિન્ટન રમી રહ્યા હતા તે દરમિયાન અચાનક હાર્ટ એટેક આવતા તેમનું મોત થયું છે.
મિત્રો હોસ્પિટલ લઈ ગયા પણ....
વિગતો મુજબ બેડમિન્ટન રમતા શ્યામને મંગળવારે સાંજે લગભગ 7.30 વાગે હાર્ટ એટેક આવ્યો અને તે બેભાન થઈ ગયા હતા. આ પછી તેમના સાથીઓ તેમને સારવાર માટે નજીકની હોસ્પિટલમાં લઈ ગયા. અહીં તબીબોએ શ્યામને મૃત જાહેર કર્યો હતો. બનાવને પગલે પરિવારમાં શોકનો માહોલ છે. તે જ સમયે, જે લોકો માટે તે રમતો હતો તે લોકો આશ્ચર્યચકિત છે. તે કહે છે કે શ્યામ એકદમ ફિટ હતો. અમે રોજ બેડમિન્ટન રમતા.
હૈદરાબાદમાં તાજેતરમાં જ લગ્નપ્રસંગમાં બન્યો હતો આવો બનાવ
હૈદરાબાદમાં ગત દિવસે જ વરને હળદર લગાવતી વખતે એક વ્યક્તિનું મોત થયું હતું. અહીં એક ઘરમાં લગ્નની ઉજવણી હતી. ઘરમાં સંગીત ચાલતું હતું. વર આંગણામાં બેઠો હતો. હલ્દી વિધિ ચાલી રહી હતી. ખુશીનો માહોલ હતો. સામેથી કોઈ સંબંધી ઉભા થાય છે. વ્યક્તિ હળદર લગાવવા માટે વરરાજાના પેન્ટને રોલ કરે છે. વ્યક્તિ વરને હળદર લગાવવા પોતાનો હાથ લંબાવે છે. ત્યારે તે અસ્વસ્થતા અનુભવે છે. તે સીધો બેસે છે. આંખો બંધ થવા લાગે છે અને બીજી જ ક્ષણે તે સામે પડી જાય છે. વરરાજા તેમને ઉપાડવાનું શરૂ કરે છે. આ જોઈને બૂમો પડી જાય છે. વ્યક્તિને હોસ્પિટલમાં લઈ જવામાં આવે છે. જ્યાં તે મૃત્યુ પામે છે. ડોક્ટરોનું કહેવું છે કે મૃત્યુ હાર્ટ એટેકના કારણે થયું છે.