અહેવાલ / શિયાળામાં 'ડબલ મહામારી'નો કરવો પડી શકે સામનો, આ રિપોર્ટે વિકસિત દેશોના પણ શ્વાસ કર્યા અદ્ધર

• શિયાળામાં સામાન્યપણે ફેલાતા સિઝનલ ફ્લુના કારણે નિષ્ણાતોની ચિંતા વધી 
• પહેલેથી કોરોનાના દર્દીઓથી ભરાયેલ હોસ્પિટલમાં ફ્લૂના દર્દીઓ ક્યાં જશે 
• અમેરિકા, બ્રિટન અને ઓસ્ટ્રેલીયામાં ફ્લૂ શોટ આપવાની શરૂઆત થઇ ગઈ 

ફ્લૂની ઝપેટમાં આવતા દર્દીઓના કારણે દુનિયાની ચિંતા વધી 

ન્યૂયોર્ક ટાઈમ્સ દ્વારા આપવામાં આવેલ એક અહેવાલ અનુસાર શિયાળાના મોસમમાં સિઝનલ ફ્લુ ખૂબ સામાન્ય છે અને મોટા ભાગના હોસ્પિટલ આ જ બીમારીના કારણે ભરેલા હોય છે. પરંતુ આ વર્ષે બધા જ હોસ્પિટલો કોરોના વાયરસના દર્દીઓ ઊભરાયેલા છે એવામાં સિઝનલ ફ્લુના દર્દીઓનું શું ? આટલું જ નહીં સિઝનલ ફ્લુ અને કોરોના વાયરસના શરૂઆત લક્ષણો એક જેવા છે જેના કારણે દર્દી વિશે મૂંઝવણ પણ ઉભી થશે. નિષ્ણાતો અનુસાર સિઝનલ ફ્લુની ઝપેટમાં આવેલા દર્દીઓમાં કોરોના વાયરસનું સંક્રમણ વધુ ઘાતક બની શકે છે. 

ફ્લૂ શોટ આપવા માટે અભિયાન શરુ થઇ ગયું 

દુનિયાભરમાં વૈજ્ઞાનિકો હાલમાં ટ્વિનડેમિકને લઈને ખૂબ જ ચિંતામાં છે અને ફ્લૂ શોટ પર ખૂબ ભાર આપી રહ્યા છે. અમેરિકાના સેન્ટર ફોર ડિસીઝ કંટ્રોલ એન્ડ પ્રિવેન્શનના ડાયરેક્ટર રોબર્ટ રેડફિલ્દે કહ્યું કે અમે મોટી કંપનીઓને કહી રહ્યા છે કે તે ફ્લૂ શોટ આપવા માટે અભિયાન ચલાવે. CDC દરવર્ષે હોસ્પિટલોમાં પાંચ લાખ ડોઝ આપે છે પરંતુ આ વર્ષે આ ખતરાને જોતા 9.3 મિલિયન શોટ પહેલાથી ઓર્ડર કરી દેવામાં આવ્યા છે. 

બ્રિટન પીએમએ આપ્યું મોટું નિવેદન 

અમેરિકામાં કોરોના વાયરસના એક્સપર્ટ ડૉ.એન્થનીએ પણ કહ્યું કે ફ્લૂ શોટ લેવાથી શ્વાસની બે બીમારીમાંથી એકમાંથી આઝાદ થઇ શકો છો.  બ્રિટેનમાં પણ પીએમ બોરિસ જોહ્ન્સને ફ્લૂ શોટ માટે અભિયાન શરુ કરી દીધું છે અને ફ્લૂની રસીનો વિરોધ કરી રહેલા લોકોને પાગલ ગણાવ્યા અને કહ્યું કે આ જ રસ્તો છે કે જેનાથી કોરોના વાયરસ સામે લડાઈ ચાલુ રાખી શકીએ છે. ઓસ્ટ્રેલીયાએ તો એપ્રિલ મહિનામાં જ ફ્લૂ શોટ અભિયાન ચાલુ કરી દીધું હતું.