શાહરૂખ ખાનનો દિકરો આર્યન ખાન આજે જેલમાંથી બહાર આવશે. તેના ઘરે આવતાંની સાથે જ શાહરૂખ ખાન એક કડક નિર્ણય લેવા જઇ રહ્યો છે તેવું સૂત્રોના આધારે જાણવા મળ્યું છે.
શાહરૂખ ખાન આર્યનના ઘરે આવ્યા બાદ કરશે આ કામ
ગૌરી ખાને પણ આપ્યો પતિ શાહરૂખ ખાનનો સાથ
આર્યન ખાન આજે જેલમાંથી આવી જશે બહાર
શાહરૂખનો નિર્ણય
રિપોર્ટ અનુસાર શાહરૂખ ખાન આર્યન જ્યારે ઘરે આવશે તે બાદથી પોતાના ત્રણેય બાળકો પર કડક નજર રાખશે. તે પોતાના બાળકોનું વધારે ધ્યાન રાખશે. કારણકે એક્ટર નથી ઇચ્છતો કે આગળ જઇને આર્યન ખાન જેવો બીજો કોઇ વિવાદ થાય. આર્યન, સુહાના અને અબરામ ત્રણેય પર તે કડક નજર રાખશે.
લાઇમ લાઇટથી દૂર રહે છે આર્યન
તમને જણાવી દઈએ કે, શાહરૂખનો દિકરો લાઈમલાઈટથી દૂર રહેવાનું પસંદ કરે છે પરંતુ તેને શાનદાર અને લક્ઝરી લાઈફસ્ટાઈલ જીવવાનો શોખ છે. સોશ્યલ મીડિયા પર આર્યનની પાર્ટીઓ એન્જોય કરતા ઘણા ફોટા છે. તેમાંના ઘણા ફોટામાં આર્યન શર્ટલેસ જોવા મળી રહ્યો છે.
આર્યનનું ભણતર
24 વર્ષીય આર્યન લંડનની સેવન ઓક્સ સ્કૂલમાંથી 12મું પાસ કર્યું છે. અગાઉ તે મુંબઈની ધીરુભાઈ અંબાણી સ્કૂલમાં ભણતો હતો. મે 2021માં આર્યનની ગ્રેજ્યુએશન સેરેમનીનો ફોટો વાયરલ થયો હતો. આર્યનને 2020 માં યુનિવર્સિટી ઓફ સદર્ન કેલિફોર્નિયામાંથી બેચલર ઓફ ફાઈન આર્ટસ, સિનેમેટિક આર્ટ્સ, ફિલ્મ અને ટેલિવિઝન પ્રોડક્શન, સ્કૂલ ઓફ સિનેમેટિક આર્ટ્સની ડિગ્રી પ્રાપ્ત કરી છે.
આર્યન અને વિવાદ
આર્યન અને વિવાદોનો જુનો સંબંધ છે. આ પહેલા પણ શાહરૂખના પુત્રનું નામ વિવાદોમાં સામે આવ્યું છે. આર્યન ખાન તેના ફેક MMSને લઈને પણ વિવાદોમાં રહ્યો છે. તેમનું નામ અમિતાભ બચ્ચનની પૌત્રી નવ્યા નવેલી નંદા સાથે પણ જોડાયેલું છે. થોડા વર્ષો પહેલા બંનેના કેટલાક ઇન્ટિમેટ ફોટો પણ વાયરલ થયા હતા.
આર્યનનું મનોરંજન જગતમાં કામ
આર્યન 2004ની ફિલ્મો ધ ઈનક્રેડિબલ્સ (હમ હૈ લજવાબ) અને ધ લાયન કિંગમાં વોઈસ ઓવર કરી ચૂક્યો છે. આર્યનને આ માટે બેસ્ટ ડબિંગ ચાઈલ્ડ વોઈસ આર્ટિસ્ટનો એવોર્ડ પણ મળ્યો છે. આર્યન બાળ કલાકાર તરીકે ફિલ્મોમાં કામ કરી ચૂક્યો છે. તેણે કભી ખુશી કભી ગમ ફિલ્મમાં બાળ કલાકાર તરીકે કામ કર્યું છે. આમાં તેણે તેના પિતા શાહરૂખ ખાનના બાળપણનો રોલ કર્યો હતો.
સુહાનાનું સપનું
શાહરૂખ ખાનની પુત્રી સુહાના ખાન તેના પિતાની જેમ જ બોલીવૂડમાં નામ બનાવવા માંગે છે. તે લંડનથી એક્ટિંગનો કોર્સ કરી રહી છે. સુહાના ઉચ્ચ શિક્ષણ મેળવી રહી છે. તેને ડાન્સિંગ અને સ્પોર્ટ્સ પસંદ છે. તે શાળાની ઘણી સ્પોર્ટ્સ ઈવેન્ટ્સમાં સામેલ રહી છે.