ચીન બાદ, દક્ષિણ કોરિયામાં હવે સૌથી ખરાબ કોરોનાનો પ્રકોપ સામે આવ્યો છે. દક્ષિણ કોરિયામાં બુધવારે 4,00,000 થી વધારે નવા કેસો સામે આવ્યા છે.
વિશ્વમાં ફરી એક વાર કોરોનાનો હાહાકાર
ચીન બાદ દક્ષિણ કોરિયામાં કહેર
એક જ દિવસમાં આવ્યા 4 લાખથી વધારે કેસ
ચીન બાદ, દક્ષિણ કોરિયામાં હવે સૌથી ખરાબ કોરોનાનો પ્રકોપ સામે આવ્યો છે. દક્ષિણ કોરિયામાં બુધવારે 4,00,000 થી વધારે નવા કેસો સામે આવ્યા છે. દક્ષિણ કોરિયાઈ મીડિયાના જણાવ્યા અનુસાર દેશમાં 4,00,741 નવા દૈનિક કોવિડ- 19 કેસો નોંધવામાં આવ્યા છે, જે દેશમાં ગત જાન્યુઆરીમાં પોતાના પ્રથમ કોવિડ કેસ નોંધાયા બાદ સૌથી વધારે છે.
દક્ષિણ કોરિયામાં કોરોનાનો રાફડો ફાટ્યો
તેમાંથી મોટા ભાગના સ્થાનિય સંક્રમણના કેસો બતાવાય છે. એટલે કે, દેશમાં કોરોનાનું લોકલ ટ્રાંસમિશન શરૂ થઈ ગયું છે. કોરિયા રોગ નિયંત્રણ એન્ડ રોક લગાવતી એજન્સીએ બુધવારે કહ્યું કે, તાજેતરના કેસો સાથે દક્ષિણ કોરિયાના કુલ કેસલોડ હવે વધીને 7,629,275 થઈ ગયા છે. સમાચાર એજન્સીના જણાવ્યા અનુસાર મંગળવારે દક્ષિણ કોરિયામાં 24 કલાકમાં 293 મોત સાથે મહામારીનો સૌથી ઘાતક દિવસ હતો.
કોરોનાના ગંભીર સંકટ સામે ઝઝૂમી રહ્યું છે ચીન
ચીને કથિત રીતે પોતાના સૌથી ખરાબ કોવિડ 19 પ્રકોપનો સામનો કરી રહ્યું છે, જેમાં લાખો લોકો લોકડાઉન માટે મજબૂર બન્યા છે. કુલ સંક્રમણમાં ભારે ઉછાળાને જોતા, ચીને બુધવારે 3290 નવા કોવિડ 19ના કેસો નોંધાયા છે, જેમાં 11 ગંભીર કેસો સામેલ છે. 2019માં જ્યારે વુહાનમાં પ્રથમ કેસ સામે આવ્યો હતો. તે સત્તાવાર રીતે એક વર્ષથી વધારેનો સમય સુધી કોઈ પણ કોવિડ સંબંધિત મોતની માહિતી આપી નહોતી.
હજારો લોકો લોકડાઉનમાં રહેવા મજબૂર
આ તમામની વચ્ચે વાયરસને ફેલાતો રોકવા માટે ચીને હોસ્પિટલમાં બેડ ખાલી કરવાનો નિર્ણય કર્યો હતો, કારણ કે, અધિકારીઓએ ઓમિક્રોનના કારણે કોરોના વાયરસના પ્રકોપથી હજારો નવા કેસોની સૂચના આપી હતી.
કોવિડ મામલામાં અચાનક વૃદ્ધિથી શેનઝેને દક્ષિણી ટેક હબમાં લગભગ 17.5 મિલિયન લોકોને લોકડાઉનમાં નાખી દીધા છે. આ ઉપરાંત, શંઘાઈ અને અન્ય શહેરો પર પ્રતિબંધો લગાવી દીધા છે. પ્રતિબંધ એવા સમયે આવ્યા છે, જ્યારે વૈશ્વિક અર્થવ્યવસ્થા યુક્રેન પર રશિયાના યુદ્ધ અને તેલના વધતાં ભાવો તથા નબળી ગ્રાહક માગના પ્રેશરમાં છે.