રાજકીય સંકટ / બ્રિટન બાદ હવે ઈટાલીનાં રાજકારણમાં મહારાષ્ટ્ર જેવો ખેલ, પ્રધાનમંત્રીએ કરી રાજીનામું આપવાની જાહેરાત, રાષ્ટ્રપતિનો ઇનકાર

• અગાઉ PM ડ્રેગીએ ઔપચારિક રીતે રાજીનામું આપવાનું નક્કી કર્યું હતું
• સૌથી મોટા ગઠબંધન પક્ષોએ વિશ્વાસ મતમાં ભાગ લેવાનું ટાળ્યું હતું
• એવી સરકારનું નેતૃત્વ નહીં કરી શકે જેમાં એકતા ન હોય : ડ્રેગી 

વડાપ્રધાન મારિયો ડ્રેગીએ તેમના શાસક ગઠબંધનમાં એક પક્ષે વિશ્વાસ મતમાં ભાગ ન લેતા તેઓ દેશ વડા તરીકે રાજીનામું આપ્યું હતું.પરંતુ રાષ્ટ્રપતિએ PM મારિયો ડ્રેગીના રાજીનામાને ફગાવી દીધો છે.ઇટાલીના રાષ્ટ્રપતિ, સેર્ગીયો મેટારેલાએ વડાપ્રધાન મારિયો ડ્રેગીના રાજીનામાને નકારી કાઢ્યો અને રાજકીય પરિસ્થિતિની સ્પષ્ટ ચિત્ર લાવવા માટે સંસદને સંબોધવા કહ્યું.

અગાઉ PM ડ્રેગીએ ઔપચારિક રીતે રાજીનામું આપવાનું નક્કી કર્યું હતું

અગાઉ ડ્રેગીએ પોતાના ગઠબંધનમાં બીજી સૌથી મોટી પાર્ટી દ્વારા વિશ્વાસ મતમાં ભાગ લેવાનું ટાળતાં ઔપચારિક રીતે રાજીનામું આપવાનું નક્કી કર્યું હતું.ગઠબંધનમાં બીજા નંબરની સૌથી મોટી ફાઇવ સ્ટાર મૂવમેન્ટ (M5S) એ સેનેટે વધતી કિંમતોને પહોંચી વળવા સરકારના રાહત બિલ પર વિશ્વાસ મતનો બહિષ્કાર કર્યો હતો.

સૌથી મોટા ગઠબંધન પક્ષોએ વિશ્વાસ મતમાં ભાગ લેવાનું ટાળ્યું હતું

એક રિપોર્ટ અનુસાર, ગુરુવારે ડ્રેગીના ગઠબંધનમાં સૌથી મોટા પક્ષોમાંના એક, ફાઈવ સ્ટાર મૂવમેન્ટના સેનેટરોએ વિશ્વાસ પ્રસ્તાવમાં ભાગ લેવાનું ટાળ્યું હતું જે ઇટાલીની સરકારને જોખમમાં મૂકી શકે છે અને તેના પતનનું કારણ પણ બની શકે છે.

એવી સરકારનું નેતૃત્વ નહીં કરી શકે જેમાં એકતા ન હોય : ડ્રેગી 

વડાપ્રધાન ડ્રેગીએ કહ્યું, "આજે સંસદમાં મતદાન રાજકીય દૃષ્ટિકોણથી ખૂબ જ મહત્વપૂર્ણ ઘટના છે." જોકે સરકાર બચી ગઈ હતી. સરકારની તરફેણમાં 172 અને વિરોધમાં 39 મત પડ્યા હતા.  ડ્રેગીએ સ્પષ્ટ કર્યું છે કે તે એવી સરકારનું નેતૃત્વ કરશે નહીં જેમાં એકતાનો અભાવ હોય.ઉલ્લેખનીય છે કે, ઇટાલીના વડાપ્રધાને મંગળવારે જણાવ્યું હતું કે તેઓ ઉર્જા ખર્ચમાં વધારો થવાને કારણે બગડતી આર્થિક પરિસ્થિતિની અસરોને ઘટાડવાના હેતુથી શ્રેણીબદ્ધ પગલાંની જાહેરાત કરવાની યોજના અંગેની વાત કરી હતી. આ પછી તેઓએ  ફોરેન પ્રેસ એસોસિએશન સાથે વાત કરતા, કહ્યું કે સરકારની બેલેન્સ શીટ "ખૂબ જ મજબૂત" છે જો કે, તાજેતરની મુશ્કેલીઓ હોવા છતાં, "ઇટાલી એક મજબૂત દેશ છે".