ગાંધીનગરના રીદ્રોલ ગામે ચોરીની અનોખી ઘટના સામે આવી છે. બંધ મકાનમાં ચોરી કરવા ઘૂસેલો ચોર ઘરમાં જ સુઈ ગયો.
ગાંધીનગરના રીદ્રોલમાં ચોરીની અનોખી ઘટના
ચોરી કરવા આવેલો ચોર ઘરમાં જ સુઈ ગયો
મકાન માલિકે પાડોશીઓની મદદથી ચોરને ઝડપ્યો
રાત્રે મકાનમાં અવાજ આવતાં પાડોશીએ બહારથી દરવાજો બંધ કરી દીધો હતો
ગાંધીનગરના રીદ્રોલ ગામમાં એક બંધ મકાનમાં ચોરી કરવા ઘૂસેલા ચોરને પોલીસ સ્ટેશનની હવા ખાવાનો વારો આવ્યો છે. મહત્વનું છે કે, એક ચોર ચોરી કરવાના ઈરાદે આ રીદ્રોલ ગામના એક મકાનમાં ધૂસ્યો હતો. આ દરમિયાન આસ-પાસના લોકોને આ વાતની જાણ થતાં તેઓએ ચોરને અંદર પૂરી દઈ પરિવારને ચોરી અંગે જાણ કરવામાં આવી હતી. જેથી બીજા દિવસે વહેલી સવારે પરિવાર ઘરે આવી પહોંચ્યો હતો. ત્યારે ચોર રૂમમાં આરમથી સૂઈ રહ્યો હતો. પરિવારના સભ્યોએ ચોરને પકડીને પોલીસના હવાલે કરી દીધો હતો.
મકાન માલિકે પાડોશીઓની મદદથી ચોરને ઝડપ્યો
આ અંગે સુત્રોના જણાવ્યા અનુસાર ગાંધીનગરના રીદ્રોલ ગામમાં રહેતા એક પરિવારના સભ્યો પોતાના અંગત કામકાજ અંગે બહાર ગામ ગયા હતાં. તે દરમિયાન રીદ્રોલ ગામમાં તેમના બંધ મકાનમાં એત ઈસમ ચોરી કરવાના ઈરાદે આવ્યો હતો. અને મકાનના મુખ્ય દરવાજાનું તાળું તોડીને ઘરમાં ધૂસી ગયો હતો. આ દરમિયાન આસ-પાસમાં રહેતા પાડોશીઓને બંધ મકાનમાંથી કંઈક અવાજ આવતો હોવાથી તે મકાનની પાસે આવી પહોંચ્યા હતાં અને ઘરના દરવાજા બહારથી બંઘ કરી દઈ મકાનમાલિકને ઘરમાં ચોર ધૂસ્યા હોવાની જાણ કરી હતી. બીજા દિવસે બંધ મકાન સભ્યો ઘરે આવીને મકાન ખોલીને જોયું તો ઘરનો સરસામાન વેર વિખેર પડ્યો હતો. અને ઓરડામાં ચોર આરામથી ઘસઘસાટ સુઈ રહ્યો હતો. લોકોએ તસ્કરને ઉંધમાંથી જગાડીને પોલીસ સ્ટેશનમાં હવાલે કર્યો હતો.