કોરોના વાયરસ મહામારી વચ્ચે બિહારમાં વ્હાઇટ ફંગસનો ખતરો વધ્યો છે. જ્યારે પહેલો કેસ મળ્યો ત્યારે આખા રાજ્યમાં ખળભળાટ મચી ગયો હતો.
બ્લેક ફંગસ બાદ વ્હાઇટ ફંગસનો ખતરો
હજુ સુધી નોંધાયા છે 4 કેસ
પ્રાઇવેટ પાર્ટ સુધી પહોંચે છે સંક્રમણ
બિહારમાં વ્હાઇટ ફંગસના 4 મામલા સામે આવ્યા છે અને તે બ્લેક ફંગસ કરતા પણ વધુ ખતરનારક છે. સંક્રમિતોમાં પટનાના એક ડૉક્ટર પણ સામેલ છે.
બ્લેક ફંગસ કરતા વધુ ખતરનાક
આ બિમારી બ્લેક ફંગસ કરતા પણ વધારે ખતરનાક છે. કહેવામાં આવી રહ્યું છે કે વ્હાઇટ ફંગસથી ફેફસા સંક્રમિત થાય છે અને શરીરના બીજા અંગ જેવા કે નખ, સ્કીન, પેટ, કિડની, મગજ અને પ્રાઇવેટ પાર્ટ્સમાં સંક્રમણ ફેલાઇ શકે છે.
પટનામાં હજુ સુધી વ્હાઇટ ફંગસના ચાર કેસ સામે આવ્યા છે. ડૉક્ટરે જણાવ્યું કે ચાર દર્દીમાં લોકોના જેવા લક્ષણ દેખાયા હતા પરંતુ તેમને કોરોના હતો નહી બાદમાં તેમનું નિદાન થયુ કે તે વ્હાઇટ ફંગસથી સંક્રમિત છે. વ્હાઇટ ફંગસથી ફેફસા સંક્રમિત થઇ જાય છે.
ડૉક્ટર્સનું કહેવું છે કે જો HRCTમાં કોરોનાના લક્ષણ જણાય તો વ્હાઇટ ફંગસ છે કે નહી તે જાણવા માટે ગળફાની તપાસ કરાવી લેવી જોઇએ. વ્હાઇટ ફંગસનું કારણ પણ બ્લેક ફંગસની જેમ ઓછી ઇમ્યૂનીટી જ છે. જે લોકો ડાયબિટીઝના શિકાર થયા છે તેમને આ ફંગસ વધારે અસર કરે છે