IPLIN
 

બોલિવૂડ / ધરપકડ બાદ ભારતીનું આ ટ્વિટ આગની જેમ થઈ રહ્યું છે વાયરલ, યુઝર્સે કહ્યું- માલ ફૂંકીને કર્યું હતું....

Team VTV 03:49 PM, 22 Nov 20
Follow us
after bharti singh arrest her 2015 tweet on drugs goes viral ncb drugs

ડ્રગ્સ મામલે નારકોટિક્સ કંટ્રોલ બ્યૂરો (NCB) દ્વારા કોમેડિયન ભારતી સિંહની ધરપકડથી લોકોને મોટો ઝટકો લાગ્યો છે. આ દરમિયાન હવે ભારતીનું એક જૂનું ટ્વિટ વાયરલ થઈ રહ્યું છે. આ ટ્વિટ 2015નું છે જેમાં ભારતીએ લોકોને ડ્રગ્સ ન લેવાની અપીલ કરી હતી. ત્યારે હવે ભારતીનું આ ટ્વિટ હવે તેના પર જ ભારે પડી રહ્યું છે.

  • કોમેડિયન ભારતી સિંહ અને તેના પતિની કરાઈ ધરપકડ
  • ડ્રગ્સ મામલે એનસીબીએ કરી કાર્યવાહી
  • તો હવે ભારતીની એક જૂની ટ્વિટ થઈ રહી છે વાયરલ

ભારતીએ 2015માં ટ્વિટ કરીને કહ્યું હતું કે પ્લીઝ ડ્રગ્સ લેવાનું બંધ કરો. એ તમારા સ્વાસ્થ્ય માટે હાનિકારક છે. તેની ટ્વિટ ઉપર યુઝર્સ ભારતી ખૂબ ટ્રોલ કરી રહ્યા છે. એક યુઝરે લખ્યુંકે 5 વર્ષ પહેલાં ભારતીએ ડ્રગ્સ ઉપર જ્ઞાન આપ્યું હતું. તો બીજા યુઝરે લખ્યુ કે આ ટ્વિટ સાબિત કરે છે કે ભારતી હકીકતમાં એક કોમેડિયન છે. મસ્ત જોક માર્યો છે. તો અન્ય એક યુઝરે લખ્યું છે કે આ ટ્વિટ પણ માલ ફૂંકીને કર્યુ હતું શું?

સાથે જ ઘણાં લોકો ભારતી પર આ ટ્વિટને લઈને નિશાન સાધી રહ્યાં છે અને તેને ખરીખોટી સંભળાવી રહ્યાં છે. કોમેડિયન રાજુ શ્રીવાસ્તવે પણ ડ્રગ્સ મામલે ભારતીની ધરપકડને લઈને પોતાનો મત રજૂ કર્યો છે. તેણે કહ્યું કે શું જરૂર છે આવા નશા કરવાની. ડ્રગ્સ વગર, નશો કર્યા વગર કોમેડી નથી થઈ શકતી? હું તેના લગ્નમા ગયો હતો. જ્યાં ડાન્સ થઈ રહ્યો હતો. કોમેડી થઈ રહી હતી. અમને તો લાગ્યું કે લગ્નની ખુશીમાં આખી રાત ડાન્સ કરી રહ્યાં છે. એનર્જી આવી રહી છે. પરંતુ હવે ખબર પડી કે એ પ્રકારની હરકતો કેમ થતી હતી.

તમને જણાવી દઈએ કે, શનિવારે એનસીબીએ મુંબઈમાં 3 જગ્યાએદરોડા પાડ્યા હતા. ભારતી અને તેના પતિ હર્ષ લિંબાચીયાના ઘરે રેડ કરવામાં આવી હતી. જેના પછી ભારતી અને તેના પતિ હર્ષને એનસીબીએ સમન્સ પાઠવ્યું હતું અને પૂછપરછ પછી બંનેની ધરપકડ કરવામાં આવી છે.

Bharti singh arrest Drugs
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ