પીએમ મોદી અમેરિકાની યાત્રા બાદ હવે ઈટલીના પ્રવાસે જશે. જ્યા તેઓ રોમમાં જી-20 સંમેલનમાં ભાગ લેશે. આ મુલાકાતમાં તેઓ રાષ્ટ્રિય અધ્યક્ષો સાથે દ્વિપક્ષીય ચર્ચા કરી શકે છે.
અમેરિકા બાદ હવે પીએમ મોદી જશે ઈટલીમાં
ઈટલીમાં વડાપ્રધાન મોદી જી-20 સંમેલનમાં લેશે ભાગ
રાષ્ટ્રીય અધ્યક્ષો સાથે PM મોદી દ્વિપક્ષીય ચર્ચા કરશે
ગત મહિને વડાપ્રધાન મોદી અમેરિકા પ્રવાસે ગયા હતા જ્યા તેમને અપાર સફળતા મળી. યુએનમાં PM મોદીએ સંબોધન પણ આપ્યું હતુ. ત્યારે વધુમાં એવી માહિતી સામે આવી છે કે પીએમ મોદી હવે યુરોપ જશે જ્યા તેઓ ઈટલીમાં જી-20 સંમેલનમાં ભાગ લેવાના છે. જેને લઈને અત્યારથી તૈયારીઓ શરૂ કરી દેવામાં આવી છે.
30-31 ઓક્ટોબરે રોમમાં યોજાશે જી-20 સમીટ
આપને જણાવી દઈએ કે અગામી 30-31 ઓક્ટોબરે ઈટલીના રોમમાં જી-20 સમીટનું આયોજન થવાનું છે. જેમા અમેરિકાના રાષ્ટ્રપતિ જો બાઈડેન, રશિયાના રાષ્ટ્રપતિ વ્લામિદિર પુતિન અને ફ્રાંસના રાષ્ટ્રપતિ ઈમેનુએલન સહિત ચીનના રાષ્ટ્રપતિ શી જિનપિંગ પણ શામેલ થવાના છે.
રાષ્ટ્રિય અધ્યક્ષો સાથે દ્વિપક્ષીય ચર્ચા કરશે
જી-20 સંમેલનમાં PM મોદી ઘણા રાષ્ટ્રિય અધ્યક્ષો સાથે દ્વિપક્ષીય ચર્ચા પણ કરી શકે છે. જેને લઈને અત્યારથી તૈયારીઓ ચાલી રહી છે. આપને જણાવી દઈએ કે કોરોના કાળ પછી પહેલી વખત જી-20 સંમેલન થવા જઈ રહ્યો છે. અગાઉ વીડિયો કોન્ફરન્સીંગ દ્વારા જી-20 સંમેલન યોજાયો હતો જેમા વડાપ્રધાન મોદીએ સંબોધન આપ્યું હતું.
સાઉદી અરબના કિંગે ગત વર્ષે સંમેલનની અધ્યક્ષતા કરી હતી
ગત જી-20 સંમેલનમાં PM મોદીએ કહ્યું હતું કે બીજા વિશ્વ યુદ્ધ પછી કોરોના વિશ્વ માટે મોટી સમસ્યા છે. ગત વર્ષે અમેરિકાના પૂર્વ રાષ્ટ્રપતિ ડોનાલ્ડ ટ્રંપ પણ સંમેલનામં હાજર રહ્યા હતા. ગતા વર્ષે સંમેલનની અધ્યક્ષતા સાઉદી અરબના કિંગ સલમાને કરી હતી.
અગાઉ 3 દિવસના અમેરિકા પ્રવાસે ગયા હતા PM મોદી
ઉલ્લેખનીય છે અગાઉ પીએમ મોદી 3 દિવસના અમેરિકા પ્રવાસે ગયા હતા. જ્યા તેમણે અમેરિકાની પહેલી મહિલા ઉપ રાષ્ટ્રપતિ કમલા હેરિસ સાથે મુલાકાત લીધી હતી. સાથેજ તેઓ અમેરિકાના રાષ્ટ્રપતિ જો બાઈડેનને પણ મળ્યા હતા. મહત્વનું છે કે અમેરિકા પ્રવાસમાં વિદેશ મંત્રી એસ જયશંકર અને NSA અજીત ડોભાલ પણ PM મોદી સાથે ગયા હતા.