આથિયા શેટ્ટી છેલ્લા ઘણા સમયથી ભારતીય ક્રિકેટર કે એલ રાહુલ સાથે રિલેશનમાં છે અને બંને એકબીજાને ઘણા લાંબા સમયથી ડેટ કરી રહ્યા છે.
સુનિલ શેટ્ટીની દીકરી આથિયા શેટ્ટી જલ્દી જ લગ્ન કરવા જઈ રહી છે
આવનાર ત્રણ મહિનામાં આથિયા શેટ્ટી અને કે એલ રાહુલ લગ્ન બંધનમાં બંધાવવા જઈ રહ્યા છે
આથિયા શેટ્ટી અને કે એલ રાહુલ છેલ્લા ત્રણ વર્ષથી એકબીજાને ડેટ કરી રહ્યા છે
બૉલીવુડમાં આજકાલ લગ્નનો માહોલ ચાલી રહ્યો છે. હાલમાં જ પાયલ રોહતગીએ તેના બોયફ્રેન્ડ સંગ્રામ સિંહ સાથે લગ્ન કર્યા છે જેની તસવીરો સોશ્યલ મીડીયા પર ઘણી વાયરલ થઈ રહી છે. એ પહેલા સાઉથની જાણીતી એક્ટ્રેસ નયનતારાએ તેના બોયફ્રેન્ડ વીગ્નેશ શિવન સાથે લગ્ન કર્યા હતા. એ પહેલા આલિયા અને રણબીરના લગ્નએ ઘણી હેડલાઇન્સ બનાવી હતી, એ પહેલા કેટરીના અને વિક્કીના લગ્નની તસવીરો પણ સોશ્યલ મીડિયા પર ઘણી વાયરલ થઈ હતી.
એ જ રસ્તા પર બોલીવુડની બીજી એક અભિનેત્રી ચાલવા જઈ રહી છે. સુનિલ શેટ્ટીની દીકરી આથિયા શેટ્ટી જલ્દી જ લગ્ન કરવા જઈ રહી છે. તમને જણાવી દઈએ કે આથિયા શેટ્ટી છેલ્લા ઘણા સમયથી ભારતીય ક્રિકેટર કે એલ રાહુલ સાથે રિલેશનમાં છે અને બંને એકબીજાને ઘણા લાંબા સમયથી ડેટ કરી રહ્યા છે. બંનેના લગ્નની અફવા છેલ્લા ઘણા સમયથી ઊડી રહી છે પણ હવે તમે જલ્દી આ બંનેને લગ્નના બંધનમાં બંધાતા જોઈ શકો છો. રિપોર્ટ અનુસાર આવનાર ત્રણ મહિનામાં આથિયા શેટ્ટી અને કે એલ રાહુલ લગ્ન બંધનમાં બંધાવવા જઈ રહ્યા છે.
એક મીડિયા રિપોર્ટ અનુસાર ત્રણ મહિનામાં આથિયા અને રાહુલ લગ્ન કરશે એવો ખુલાસો થઈ રહ્યો છે. જો કે હાલ જ બંનેના પરિવાર એકબીજા સથે મળ્યા હતા અને એક કથિત રિપોર્ટ અનુસાર બંને લગ્ન પછી એક સાથે રહેવા માટે એક ઘર પણ ખરીદી લીધું હોવાની વાત સામે આવી છે.
આથિયા શેટ્ટી અને કે એલ રાહુલ છેલ્લા ત્રણ વર્ષથી એકબીજાને ડેટ કરી રહ્યા છે અને ગયા વર્ષે બંનેએ તેના રિલેશન વિશે લોકો સામે ખૂલીને વાત કરી હતી. સુનિલ શેટ્ટીના દીકરા આહાન શેટ્ટીની પહેલી ફિલ્મ તડપની સ્ક્રિનિંગ પર કે એલ રાહુલ આથિયા શેટ્ટી અને તેના પરિવાર સાથે જોવા મળ્યા હતા. એ સમયે પણ આથિયા અને કે એલ રાહુલના લગ્નની અફવાઓએ જોર પકડ્યો હતો. એ અફવા પર સુનિલ શેટ્ટીએ પ્રતિક્રિયા આપતા કહ્યું હતું કે 'એ મારી દીકરી છે, હું પણ ઈચ્છું છું કે તેના લગ્ન જલ્દી થઈ જાય પણ એની ઈચ્છા મુજબ ચાલવું પડે. અને કે એલ રાહુલ મને પસંદ છે અને એ બંને ક્યારે લગ્ન કરશે એ વાત એ જ બંનેને નક્કી કરવા દેવી જોઈએ કારણ કે સમય બદલાઈ ગયો છે. મારો આશીર્વાદ એમની સાથે છે.