અક્ષય કુમારની ફિલ્મ લક્ષ્મી રિલીઝ થઇ ચૂકી છે અને આ ફિલ્મ દર્શકોને ખુબ પસંદ પડી રહી છે. 9 નવેમ્બરે ઓટીટી પ્લેટફોર્મ પર રિલીઝ થયેલી આ ફિલ્મમાં અક્ષયની સાથે સાથે શરદ કેલકર પણ કિન્નર બન્યા છે અને હવે મિલિંદ સોમન પણ થર્ડ જેન્ડરનો રોલ નિભાવશે. તેનો લૂક હાલમાં જ રિલીઝ થયો છે.
અક્ષય બાદ મિલિંદ બનશે કિન્નર
મિલિંદે કરી તસવીર શૅર
મિલિંદે આપી નવા પ્રોજેક્ટની હિન્ટ
Spent the last few days in Karjat near Mumbai, now off to Chennai :) I know its not Holi but when you have the opportunity to act, you don't question time and space .. pic.twitter.com/wjC16RLnBQ
મિલિંદ સોમને પોતાની એક તસવીર શૅર કરી છે જેમાં તે એક મહિલાના પાત્રમાં દેખાઇ રહ્યાં છે, લાંબા વાળ સાથે આંખોમાં કાજલ અને નાકમાં નથ પહેરી છે. સાથે જ ચહેરા પર બહુ બધુ સિંદુર પણ લગાવ્યું છે. મિલિંદનો આ લૂક યુઝર્સમાં જીજ્ઞાસા પેદા કરે છે કે આ તસવીર શું કહેવા માંગે છે.
તસવીર શૅર કરીને મિલિંદે ટ્વિટ કરી હતી અને તેના દ્વારા નવા પ્રોજેક્ટ વિષે હિન્ટ આપવાનો પ્રયત્ન કર્યો હતો. એક્ટરે ટ્વિટમાં લખ્યું છે કે, મુંબઇ પાસે એક જગ્યાએ મેં થોડા દિવસ વિતાવ્યા, હવે ચેન્નઇ જઇ રહ્યો છું. હું જાણુ છુ કે આ હોળી નથી પરંતુ તમને એક્ટિંગ કરવાની તક મળે ત્યારે તમને સવાલ પૂછવાનો સમય અને જગ્યા નથી મળતી.
નોંધનીય છે કે, એક્ટર હાલમાં પોતાની ન્યૂડ તસવીરને લઇને વિવાદમાં સપડાયો છે. હાલમાં જ તેણે પોતાના જન્મદિવસ પર એક ન્યૂડ તસવીર શૅર કરી હતી, તે તસવીર તેની વાઇફ અંકિતાએ લીધી હતી. જેમાં તે ગોવાના બીચ પર દોડતા નજરે પડે છે. આ તસવીરને કારણે મિલિંદ પર ગોવામાં ફરિયાદ નોંધાઇ છે.