ગઈકાલે અમદાવાદના ઈતિહાસમાં એક કાળો દિવસ લખાઈ ગયો. એક તો મહામારીનો માર અને એમાં કોવિડ હોસ્પિટલ શ્રેયમાં લાગેલી આગમાં 8 કોરોના દર્દી જીવતા ભુંજાઈ ગયા છે. ત્યારે VTV દ્વારા અમદાવાદની જુદી જુદી હોસ્પિટલમાં રિયાલિટી ચેક કરવામાં આવી રહી છે જેમાં હજુ પણ હોસ્પિટલોની બેદરકારી સામે આવી છે.
ખાનગી હોસ્પિટલમાં VTVનું રિઆલીટી ચેક
શહેરમાં હજારો હોસ્પિટલ ચાલી રહી છે ફાયર NOC વગર
વગર ફાયર NOCએ ચાલી રહી છે તપન હોસ્પિટલ
અમદાવાદની શ્રેય હોસ્પિટલમાં આગ લાગવાની ઘટના બાદ ખાનગી હોસ્પિટલમાં વીટીવીએ રિયાલીટી ચેક કર્યું. જેમાં શહેરમાં અનેક હોસ્પિટલો ફાયર સેફ્ટી વિના ચાલી રહી હોવાનું સામે આવ્યું છે. ત્યારે અમદાવાદના આનંદનગરમાં આવેલી તપન હોસ્પિટલમાં પણ ફાયર NOC નથી. તપન હોસ્પિટલમાં ખુલ્લા તાર જોવા મળ્યા છતા પણ તંત્ર દ્વારા કોઇ કાર્યવાહી નથી કરવામાં આવી રહી. તપન હોસ્પિટલની ગંભીર બેદરકારી સામે તંત્ર કોઇ પગલા નથી. અને બાદમાં મોટી દૂર્ઘટના સર્જાય ત્યારે માત્ર ચકાસણી કરી લેવામાં આવે છે.
અમદાવાદના ખોખરા વિસ્તારમાં પહોંચી VTVની ટીમ
ખોખરામાં મોટાભાગની હોસ્પિટલ પાસે ફાયર NOC નથી. જનતાએ કોર્પોરેશન અને ફાયર ઓફિસરો સામે સવાલ કર્યા છે. અગ્નિકાંડ જેવી ઘટના બાદ જ તપાસ થતી હોવાનો જનતા દ્વારા દાવો કરાઈ રહ્યો છે.