જમ્મૂ કાશ્મીર / ફારુખ બાદ હવે મહબૂબા મુફ્તીને કાલે મળશે PDP પ્રતિનિધમંડળ, તંત્રે આપી મંજૂરી

• જમ્મૂ કાશ્મીર તંત્રે પીડીપી પ્રતિનિધિમંડળને પાર્ટી પ્રમુખ મહબૂબા મુફ્તીને મળવા મંજૂરી આપી
• આ પહેલા નેશનલ કોન્ફરન્સના પ્રતિનિધિમંડળને ફારુખ અબ્દુલ્લા સાથે મુલાકાતની મંજૂરી અપાઇ હતી
• નેશનલ કોન્ફરન્સના સાંસદોનું એલાન, પાર્ટી સ્થાનીય ચૂંટણીનો બહિષ્કાર કરશે

જમ્મૂ કાશ્મીર તંત્રે પીડીપી પ્રતિનિધિમંડળને પૂર્વ સીએમ અને પાર્ટી પ્રમુખ મહબૂબા મુફ્તીને મળવાની મંજૂરી આપી છે. નોંધનીય છે કે, આ નિર્ણય નેશનલ કોન્ફરન્સના નેતા ફારુખ અબ્દુલ્લા (Farooq Abdullah) અને ઉમર અબ્દુલ્લા (Omar Abdullah) ને તેમની પાર્ટીના પ્રતિનિધિમંડળની મુલાકાતના કેટલાક કલાકો બાદ લેવામાં આવ્યો છે.

મહબૂબા મૂફ્તી (Mehbooba Mufti) ની પાર્ટીના 10 સભ્યોનું પ્રતિનિધિમંડળ તેમની સાથે સોમવારે મુલાકાત કરશે. જ્યારે ફારુખ અબ્દુલ્લાને મળવા ગયેલા નેશનલ કોન્ફરન્સના સાંસદોએ એલાન કર્યું છે કે તેમની પાર્ટી સ્થાનીય ચૂંટણીનો બહિષ્કાર કરશે કેમકે તેમના નેતા જેલમાં છે.