અકસ્માતનો મામલો / અમદાવાદ-વડોદરા હાઇવે પર 8 કલાક બાદ ટ્રાફિક થયો હળવો

અમદાવાદ વડોદરા હાઈવે પર ગઈકાલે ટ્રેલર અને કન્ટેનર અથડાતાં ભીષણ આગ લાગી હતી. જો કે આગ લાગ્યા બાદ 8 કલાક સુધી હાઈવે પર ભારે ટ્રાફિકજામના દ્રશ્યો સર્જાયા હતા. ફાયર વિભાગના જવાનો દ્વારા ભારે જહેમત બાદ આગ પર કાબૂ મેળવાયો હતો. જો કે ફાયર વિભાગ દ્વારા આગ પર કાબૂ મેળવાયાના 8 કલાક બાદ હાઈવે પર ટ્રાફિક હળવો થતા વાહન વ્યવહાર ફરી એકવાર શરૂ થયો છે.




આગ લાગતા અમદાવાદ - વડોદરા એકસપ્રેસ હાઈવે પર 20 કિલોમીટર લાંબો ટ્રાફિક સર્જાયો હતો. જેને લઇને અનેક વાહન ચાલકો ફસાયા હતા અને મુસાફરો રઝળી પડ્યા હતા. આખરે 8 કલાકની ભારે જહેમત બાદ ટ્રાફિક હળવો થતા લોકોએ રાહતનો શ્વાસ લીધો હતો. જોકે, આ અકસ્માત અને આગની ઘટનામાં કોઈ જાનહાનિના સમાચાર સામે આવ્યા નથી.

#Ahmedabad- #Baroda એક્સપ્રેસ હાઇવે પર અકસ્માત, ઘટનાના 8 કલાક બાદ ટ્રાફીક હળવો થતા વાહન વ્યવહાર શરૂ#Accident #Traffic pic.twitter.com/U0doRVzmSW

— VTV Gujarati News (@VtvGujarati) May 2, 2019

ઉલ્લેખનીય છે કે ગઇકાલે વડોદરા એક્સપ્રેસ હાઇ-વે પર અકસ્માત થયો હતો. બેડવા બ્રિજ નજીક કન્ટેનર અને ટ્રેલર અથડાયા હતા. કન્ટેનરની પાછળના ભાગે ટ્રેલર અથડાતા અકસ્માત થયો હતો. આ કન્ટેનરમાં જ્વલનશીલ પદાર્થ હોવાથી ટ્રેલર સાથે ધડાકા ભેર અથડાતા ભીષણ આગ  લાગી હતી.



આગના પગલે હાઈવે પર વાહનવ્યવહારને અસર જોવા મળી હતી. જો કે આ અકસ્માતમાં કોઈ જાનહાની ઘટના બની નહોતી.