સાઉદી અરબમાં આજથી મહિલાઓ પરના ડ્રાઈવિંગ પ્રતિબંધને હટાવી લેવાયો છે. જેથી હવે સાઉદી અરબમાં પહેલીવાર મહિલાઓ ડ્રાઇવિંગ કરતી જોવા મળશે. મહત્વનું છે કે 60 વર્ષ બાદ મહિલાઓને ડ્રાઇવિંગ કરવાની મંજૂરી મળતા મહિલાઓમાં ખુશી જોવા મળી હતી.
મહિલાઓ પરના ડ્રાઈવિંગના પ્રતિબંધને હટાવ્યા બાદ સાઉદી અરબ વિશ્વનો છેલ્લો દેશ બન્યો છે. ઉલ્લેખનીય છે કે સાઉદી અરબ એક માત્ર એવો દેશ હતો કે જ્યાં મહિલાઓ ડ્રાઇવિંગ કરી શકતી હતી નહીં.
સાઉદી અરબ માટે આ એક ઐતિહાસિક ઘટના છે. પરંતુ હવે આ પ્રતશબદ હટાવી લેતા સાઉદી અરબમાં 1.51 કરોડ મહિલાઓ પહેલીવાર રસ્તા પર ડ્રાઈવિંગ કરતી નજરે પડશે.
સાઉદીમાં સપ્ટેમ્બર 2017માં મહિલાઓ પરના ડ્રાઇવિંગ પ્રતિબંધને હટાવી લેવાની જાહેરાત થઈ હતી. આ નિર્ણય ક્રાઉન પ્રિંસ મોહમ્મદ બિન સલમાનના વિઝન 2030ના કાર્યક્રમનો એક ભાગ છે. એક મહિલા હમ્સા અલ સોનોસીએ જણાવ્યુ કે મેં ક્યારેય સપનામાં પણ નહોતુ વિચાર્યુ કે આ દિવસ જોવા મળશે.