ચુકાદો / 41 વર્ષ બાદ હત્યાનો આરોપી જાહેર કરાયો નિર્દોષ, જાણો અલ્હાબાદ હાઇકોર્ટે શું કહ્યું ?

• 41 વર્ષ બાદ હત્યાનો આરોપી નિર્દોષ
• અલ્હાબાદ હાઇકોર્ટે આપ્યો ચુકાદો
• 1980માં હત્યાની બની હતી ઘટના 

41 વર્ષ જૂના હત્યા કેસમાં આરોપીને જાહેર કરાયો નિર્દોષ. જાણીને નવાઇ લાગીને કે આટલા વર્ષો પછી હવે નિર્દોષ. જી હા આ સત્ય ઘટના છે. આ વાત છે પ્રયાગરાજના હાંડિયા પોલીસ સ્ટેશન વિસ્તારની. જ્યાં અલ્હાબાદ હાઇકોર્ટે 41 વર્ષ જૂના હત્યા કેસમાં આરોપીને દોષમુક્ત કરીને નિર્દોષ જાહેર કર્યો. હાઈકોર્ટે ફરિયાદ પક્ષના સાક્ષીઓ પર સવાલ ઉઠાવતા કહ્યું હતું કે આખો મામલો આ સાક્ષીઓના નિવેદનો પર ટકે છે, પરંતુ તેઓ વિશ્વસનીયતાના માપદંડોને પૂર્ણ કરતા નથી.

શું કહ્યું અલ્હાબાદ હાઇકોર્ટે ?

સુપ્રીમ કોર્ટે અગાઉ જનરૈલ સિંહ વિરુદ્ધ પંજાબ રાજ્ય પર ચુકાદાનો હવાલો અલ્હાબાદ હાઇકોર્ટે આપતા જણાવ્યુ હતુ કે ઘટના સ્થળે હાજરી જાહેર કરતા સાક્ષીની ખૂબ જ સાવચેતીભરી અને નજીકની તપાસ જરૂરી છે અને સાક્ષીએ ઘટનાસ્થળે તેની હાજરી સાબિત કરવી પડશે.

સાક્ષી પર સવાલ

કોર્ટે આ કેસમાં જોયુ કે સાક્ષી નંબર 2ની જૂબાનીમાં આત્મવિશ્વાસની કમી છે. તેણે કોર્ટને જણાવ્યુ કે કે પોતાની પત્ની અને ભત્રીજી સાથે બીરાપુર જઇ રહ્યો હતો.  તેણે આ ઘટનાને પોતાની આંખોથી જોઈ હતી, પરંતુ ફરિયાદી પક્ષ સાક્ષી નંબર બેની પત્ની અને ભત્રીજીની જુબાની રજૂ કરી શક્યો ન હતો કે જેથી આ વાતની પુષ્ટિ થઇ શકે કે સાક્ષી અબ્દુલ વાહિદ બીરાપુર જઇ રહ્યો હતો.

શું છે સમગ્ર ઘટના

આ હત્યા કેસ 41 વર્ષ જૂનો છે. મળતી માહિતી અનુસાર  જમીનદાર શેખ મહોમ્મ અને યાચી ગુલાબ વચ્ચે જૂની અદાવત હતી. શેખ મહોમ્મદે એક જમીન વિવાદમાં યાચી ગુલાબ સહિત અન્ય 3 લોકો વિરુદ્ધ કેસ દાખલ કર્યો હતો. હંડિયા પોલીસ સ્ટેશન પર દાખલ કરેલી એફઆઇઆર મુજબ  4 સપ્ટેમ્બર, 1980ના રોજ, જ્યારે મોહમ્મદ  સિવિલ કેસની સુનાવણી બાદ તેના ઘરે જઈ રહ્યો હતો, ત્યારે ગુલાબ અને તેના ત્રણ સાથી (રામ અવધ, ક્રિપાલ, નનકુ ઉર્ફે નંદુ) તેને ખેંચીને લઈ ગયા અને ખેતરમાં લઇ જઇને તેની હત્યા કરવામાં આવી. આ કેસમાં નીચલી કોર્ટે ચારેય આરોપીઓને શેખ મોહમ્મદની હત્યા માટે દોષી ઠેરવ્યા હતા અને તેમને આજીવન કેદની સજા ફટકારી હતી. કોર્ટની આ સજા સામે અરજદાર ગુલાબ અને નનકુ ઉર્ફે નંદુએ અલ્હાબાદ હાઈકોર્ટમાં અપીલ કરી હતી, જેમાં સાક્ષીઓના નિવેદનો અવિશ્વસનીય જણાતા હાઈકોર્ટે અરજદારને નિર્દોષ જાહેર કર્યા.