BJP અધ્યક્ષ જેપી નડ્ડાએ કોંગ્રેસમાંથી વરિષ્ઠ નેતા ગુલામ નબી આઝાદના રાજીનામા બાદ પાર્ટીના નેતૃત્વ પર સવાલો ઊભા કર્યા હતા.
ભાજપ અધ્યક્ષ જેપી નડ્ડાએ કોંગ્રેસ પાર્ટી પર કર્યા પ્રહાર
જેપી નડ્ડાએ પાર્ટીના નેતૃત્વ પર સવાલો ઊભા કર્યા
કોંગ્રેસને ગણાવી ભાઈ બહેનની પાર્ટી
BJP અધ્યક્ષ જેપી નડ્ડાએ કોંગ્રેસમાંથી વરિષ્ઠ નેતા ગુલામ નબી આઝાદના રાજીનામા બાદ પાર્ટીના નેતૃત્વ પર સવાલો ઊભા કર્યા હતા. તેમણે કહ્યું કે, કોંગ્રેસ વંશવાદને પ્રોત્સાહન આપનારી પાર્ટી બનીને રહી ગઈ છે. આ ફક્ત હવે ભાઈ બહેનની પાર્ટી બનીને રહી ગઈ છે. હવે તો જે 20-40 વર્ષ સુધી પાર્ટીમાં રહ્યા એ લોકો પણ છોડીને જઈ રહ્યા છે.
જમ્મુ કાશ્મીર કોંગ્રેસમાંથી આંતરિક વિવાદ સામે આવવો અને વરિષ્ઠ નેતા ગુલામ નબી આઝાદનું કોંગ્રેસ છોડવું, ફરી એક વાર કોંગ્રેસના નેતૃત્વ પર સવાલો ઊભા કરે છે. તો વળી હવે પાર્ટી ફરી ફક્ત ભાઈ બહેનની પાર્ટી બનીને રહી ગઈ છે. નડ્ડાએ કહ્યું કે, જે લોકો 20-40 વર્ષ સુધી કોંગ્રેસની સાથે હતા, તેમણે પણ પાર્ટી છોડી દીધી, કેમ કે તે હવે ન તો રાષ્ટ્રીય છે અને ન તો ક્ષેત્રિય. પાર્ટી હવે ફક્ત ભાઈ બહેનની વંશવાદની પાર્ટી છે.
નડ્ડાએ કહ્યું કે, સૌથી જૂની રાજકીય પાર્ટી કોંગ્રેસ સમેટાતી જાય છે. નબળી થતી જાય છે. આ એટલા માટે કે કોંગ્રેસે રાષ્ટ્રીય એકતા સાથે સ્થાનિક આંકાક્ષાઓને બિલ્કુલ ધ્યાનમાં રાખી નથી. તો વળી બીજી બાજૂ ભાજપ સ્થાયિત્વ તરફ આગળ વધી રહી છે.