ટક્કર / 4 વર્ષ બાદ આખરે Airtel એ કરી બતાવ્યો કમાલ, મુકેશ અંબાણીને લાગ્યો મોટો ઝટકો

• એરટેલે મંથલી સબ્સ્ક્રિપશનના મામલે જિયોને પછાડી 
• ચાર વર્ષ પછી ફરીથી એરટેલ ટોપ પર આવી 
• સુનિલ મિત્તલ છે ભારતી એરટેલના માલિક 

મંથલી સબ્સ્ક્રિપશનની સંખ્યાના મામલે ભારતી એરટેલ એ રિલાયન્સ જિયો ને પછાડી દીધી છે, આ ઘટના એટલા માટે ખાસ છે કેમ કે છેલ્લા ચાર વર્ષમાં આ પહેલી વાર છે જ્યારે જિયો એ આ સ્થાન ગુમાવવું પડ્યું છે, અત્યાર સુધી જિયો આ મામલે ટોચ પર હતી. 

જો કે સંપત્તિ અને અરબપતિઓની લિસ્ટમાં હજુ પણ મુકેશ અંબાણી ભારત જ નહિ પરંતુ સમગ્ર એશિયામાં સૌથી આગળ છે અને તેમની આગળ ભારતી એરટેલ ના સ્થાપક માલિક સુનિલ મિત્તલ ક્યાંય નજીકમાં પણ આવી શકે તેમ નથી. 

મુકેશ અને સુનિલમાં કોણ નમ્બર વન?

બ્લૂમબર્ગ બિલિયોનર ઈન્ડેક્ષની માહિતી પ્રમાણે રિલાયન્સ જિયોના માલિક  મુકેશ અંબાણીની ટોટલ નેટવર્થ એટલે કે સંપત્તિ 75 બિલિયન ડોલર જેટલી છે, જેને ભારતીય રૂપિયામાં કન્વર્ટ કરીએ તો આ 5.60 લાખ કરોડ રૂપિયા જેટલી થવા જઈ રહી છે જ્યારે કે સુનિલ મિત્તલની સંપત્તિ માત્ર 8.12 બિલિયન ડોલરની છે, મુકેશ અંબાણી જયાં વિશ્વના ટોપ 10 અમીરોમાં દસમા સ્થાને છે ત્યાં સુનિલ મિત્તલ ટોપ 250માં પણ નથી, તેઓ 273માં સ્થાન પર છે. 

રિલાયન્સનો કારોબાર વ્યાપક છે 

રિલાયન્સનો કારોબાર પેટ્રોકેમિકલ, રિફાઇનરી, રિટેલ, ટેલિકોમ સહિત ઘણા ક્ષેત્રોમાં છે જ્યારે કે એરટેલનો મુખ્ય વ્યવસાય જ ટેલિકોમ છે, જિયો ના 2016માં આગમન પહેલા એરટેલ નો માર્કેટમાં દબદબો હતો જો કે તે ઘટી ગયો હતો.