જ્યારે ડૉક્ટરે પેટમાં દુઃખાવાનું કારણ જાણવાનો પ્રયત્ન કર્યો તો તે દંગ રહી ગયા.
મહિલાના પેટમાં થયો દુઃખાવો
ડૉક્ટર પાસે જતા ખુલ્યો રાઝ
પેટમાંથી મળ્યું 35 વર્ષ જુનું ભ્રૂણ
એક મહિલાના પેટમાં ઘણા વર્ષોથી ભ્રૂણ હાજર હતું. પરંતુ તેને આ વાતનો અંદાજો પણ ન હતો. અલ્ઝીરિયામાં એક 73 વર્ષની મહિલાના પેટમાં અચાનક ભયંકર દુઃખાવો થવા લાગ્યો હતો. દુઃખાવાના કારણે તે ડૉક્ટરની પાસે પહોંચી. જ્યારે ડૉક્ટરે પેટમાં દુઃખાવાનું કારણ જાણવાનો પ્રયત્ન કર્યો તો તે દંગ રહી ગયા. વૃદ્ધ મહિલાના પેટમાં ઘણા વર્ષોથી સાત મહિનાનું ભ્રૂષ હાજર હતું. સૌથી ચોંકાવનારી વાત તો હતી કે મહિલાને આ વાતની બિલકુલ જાણકારી ન હતી.
મહિલાના પેટમાં અચાનક દુઃખાવો થવા લાગ્યો
એક રિપોર્ટ અનુસાર આ પહેલા પણ મહિલાના પેટમાં દુઃખાવો થઈ રહ્યો હતો. પરંતુ ડૉક્ટરોને તેના પાછળનું કારણ ન જાણવા મળ્યું. જોકે હવે આ વખતે મહિલાના પેટમાં જબરદસ્ત દુખાવો થતા ડોક્ટરે તપાસ કરી અને જોયું તો મહિલાના પેટમાં લગભગ 35 વર્ષથી સાત મહિનાનું ભ્રૂણ હાજર હતું અને તેને કોઈ નુકસાન ન હતું થયું. હવે આ ભ્રૂણ એક સ્ટોન બની ચુક્યું હતું. ડોક્ટરોએ તેને બેબી સ્ટોન કહ્યું છે.
લગભગ 2 કિલોનું બેબી સ્ટોન પેટમાં હતું
ડૉક્ટરોએ જ્યારે મહિલાની તપાસ કરી તો જાણવા મળ્યું કે બેબી સ્ટોનનો ભાર 4.5 પાઉન્ડ એટલે કે 2 કિલો સુધીનું હતું. આ ઘટના બાદ ડૉક્ટરોએ તેને લિથોપેડિયન ગણાવ્યું. આ વિશે ડોક્ટરે જણાવ્યું, "આવું ત્યારે થાય છે જ્યારે પ્રેગ્રેન્સી ગર્ભાશયની જગ્યા પર પેટમાં રહી હોય.
બાળકમાં સતત લોહીની કમીના કારણે ભ્રૂણ વિકસિત ન થઈ શક્યું. જેના કારણે ભ્રૂણને બહાર આવવાની કોઈ જગ્યા ન હતી. ધીરે ધીરે ભ્રૂણ સ્ટોનમાં ફેરવાઈ ગયું." આ કારણે મહિલાના પેટમાં હાજર ભ્રૂણ 'બેબી સ્ટોન' બની ગયું.