બોલિવૂડ / Ramayana Trailer: 'મૃત્યુ બાદ કોઈ કોઈનું દુશ્મન નથી', આવી ગયું 'રામાયણ'નું ટ્રેલર, બાળકો પડશે મજા

વર્ષ 2025 અક્ષય કુમાર માટે ખૂબ જ મહત્વપૂર્ણ છે. તેનું કારણ તેના ચાહકો જાણે છે. 9 ફ્લોપ પછી તે પણ હિટ ફિલ્મની શોધમાં છે. તેની ફિલ્મ 24મી જાન્યુઆરીના રોજ આવી રહી છે- Skyforce. ફિલ્મનું ટ્રેલર આવી ગયું છે. પરંતુ હવે અક્ષય કુમારની મુસીબતોમાં વધારો થતો જોવા મળી રહ્યો છે. આ દિવસે ફિલ્મ 'રામાયણઃ ધ લિજેન્ડ ઓફ પ્રિન્સ રામ' પણ સિનેમાઘરોમાં રિલીઝ થઈ રહી છે. હવે આ ફિલ્મનું ટ્રેલર આવી ગયું છે. 2 મિનિટ 11 સેકન્ડના આ ટ્રેલરમાં એનિમેશનની ગુણવત્તા જબરદસ્ત છે.

આ ટ્રેલર જોઈને તમે પણ કહેવા મજબૂર થઈ જશો કે આદિપુરુષના નિર્માતાઓએ આમાંથી કંઈક શીખવું જોઈએ. વાસ્તવમાં આ ફિલ્મ જાપાન અને ભારત દ્વારા સંયુક્ત રીતે બનાવવામાં આવી હતી. આજે પણ તેની વિઝ્યુઅલ ઈફેક્ટ એટલી જબરદસ્ત છે કે કોઈ તેને સરળતાથી હરાવી શકતું નથી.

રામાયણનું ટ્રેલર રિલીઝ, અક્ષયની મુશ્કેલીઓ વધશે!

'રામાયણઃ ધ લિજેન્ડ ઓફ પ્રિન્સ રામ' વર્ષ 1993માં બની હતી. આ ફિલ્મ યુગો સાકો, રામ મોહન અને કોઈચી સાસાકી દ્વારા નિર્દેશિત કરવામાં આવી હતી. તે હજુ સુધી સિનેમાઘરોમાં રિલીઝ થઈ નથી. જો કે, કાર્ટૂન નેટવર્ક ઓફ ઈન્ડિયાએ તેના અધિકારો ખરીદી લીધા હતા અને તેને ટીવી પર રજૂ કર્યા હતા. જેને લોકોએ ભરપૂર પ્રેમ પણ આપ્યો હતો. લોકો ટ્રેલર પર સતત કોમેન્ટ કરી રહ્યા છે કે તેઓ આ ફિલ્મને મોટા પડદા પર જોવા માટે ખૂબ જ ઉત્સાહિત છે.

એક યુઝરે લખ્યું કે - બાળપણની યાદો તાજી થઈ ગઈ છે. હું પણ ફિલ્મ જોવા માટે ખૂબ જ ઉત્સાહિત છું. “ખરેખર લોકો લાંબા સમયથી આની રાહ જોઈ રહ્યા છે. પહેલા આ ફિલ્મ ઓક્ટોબર 2024ના રોજ સિનેમાઘરોમાં આવવાની હતી, ત્યારબાદ તેની તારીખ બદલવામાં આવી હતી. તાજેતરમાં રામાયણની ટીમે વડાપ્રધાન મોદીનો આભાર વ્યક્ત કર્યો હતો. ગીક પિક્ચર્સના લોકોએ એક પોસ્ટ શેર કરી હતી. આ ફિલ્મ માત્ર હિન્દીમાં જ નહીં પરંતુ તમિલ, તેલુગુ અને અંગ્રેજી ભાષાઓમાં પણ રિલીઝ થઈ રહી છે. આ ફિલ્મ ઉત્તમ ઓડિયો ગુણવત્તા સાથે 4Kમાં બતાવવામાં આવશે. ફિલ્મની રિલીઝ ડેટ બુધવારે આવી હતી.

વધુ વાંચોઃ અમદાવાદ એરપોર્ટ પર ગાંધીજીની ગેલેરી ગાયબ!, GPSCના ચેરમેન હસમુખ પટેલનું ટ્વીટ ચર્ચામાં

અક્ષય કુમાર પર ખતરો!

તમે ટીવી પર ઘણી વખત 'રામાયણ' જોઈ હશે. પરંતુ જે ફિલ્મ મોટા પડદા પર રિલીઝ થઈ રહી છે તે પોતાનામાં એક માસ્ટર પીસ છે. આવી સ્થિતિમાં, લોકો ચોક્કસપણે તેમના બાળકો સાથે તેને જોવા જશે. હવે આ જ દિવસે સ્કાયફોર્સ આવી રહ્યું છે. ખરેખર, અક્ષય કુમારની ફિલ્મ માટે જોરદાર પ્રમોશન ચાલી રહ્યું છે. પરંતુ રામાયણ રિલીઝ થવાથી અક્ષય કુમારને ચોક્કસ નુકસાન થશે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ