Shani Gochar 2023 / 30 વર્ષ બાદ શનિ કરશે કુંભ રાશિમાં પ્રવેશ, ખુલી જશે આ 7 જાતકોના ભાગ્ય તો અન્યના કેવાં હાલ

• 30 વર્ષ બાદ શનિ કરશે કુંભ રાશિમાં પ્રવેશ
• ખુલી જશે મેષ, વૃષભ, મિથુન, સિંહ જાતકોના ભાગ્ય  
• ધન, મકર અને કુંભ રાશિના લોકો માટે આ ગોચર ખૂબ જ શુભ 

ન્યાયના દેવ મનાતા શનિ 30 વર્ષ બાદ ઘરે પરત ફરી રહ્યા છે. 17 જાન્યુઆરી મંગળવારના રોજ શનિ મકર રાશિથી કુંભ રાશિમાં ગોચર ( સંક્રમણ ) કરવાના છે. આ દિવસે શનિ રાત્રે 08.02 મિનિટે કુંભ રાશિમાં પ્રવેશ કરશે. શનિનું રાશિ પરિવર્તન લોકોને વેપાર, નોકરી, લગ્ન, પ્રેમ, સંતાન, શિક્ષણ અને આરોગ્યના મોરચે સારું કે ખરાબ પરિણામ આપશે. જ્યોતિષીઓનું કહેવું છે કે, મેષ, વૃષભ, મિથુન, સિંહ, ધન , મકર અને કુંભ રાશિના લોકો માટે આ સંક્રમણ ખૂબ જ શુભ રહેશે.

મેષ- તમારી આવકમાં અણધાર્યા વધારો થવાની સંભાવના છે. આ વર્ષે તમને આવકના ચોક્કસ સ્ત્રોત પણ મળશે. અચાનક પૈસા મળવાના ચાન્સ પણ બનશે. તમારી પેન્ડિંગ યોજનાઓ પૂર્ણ કરવાનો સમય આવી ગયો છે. જોકે તમારે તમારી સ્વાસ્થ્ય સમસ્યાઓ વિશે થોડું ધ્યાન રાખવું પડશે.

વૃષભ- તમે વેપારી છો કે નોકરી વ્યવસાય બંને ક્ષેત્રોમાં તમારા માટે અપાર સફળતાની તકો રહેશે. તમારી કારકિર્દીમાં સ્થિરતાનો સમય છે. નોકરી અને વ્યવસાયમાં પદોન્નતિની સ્થિતિ રહેશે અને નવી યોજનાઓ સાથે આગળ વધશે અને વેપારમાં વૃદ્ધિની સંભાવના પણ રહેશે.

મિથુન- નોકરીમાં ટ્રાન્સફરની સંભાવના બની શકે છે. તમારી આવકમાં સારો વધારો થઈ શકે છે, પરંતુ તેના માટે તમારે સખત પ્રયત્નો કરવા પડશે. વ્યવસાયમાં જોખમ લેવા માટે આ સારો સમય રહેશે. દેવામાં ઘટાડો થશે. પિતા સાથેના સંબંધો પર અસર થશે અને આ સમય તેમના સ્વાસ્થ્ય માટે નબળો રહેશે.

કર્ક- શનિ ગોચર પછી તમે થોડો માનસિક તણાવ અનુભવશો અને કામને લઈને થોડું દબાણ રહેશે. પરંતુ તમે તમારી મહેનત અને ચતુરાઈથી દરેક સમસ્યામાંથી બહાર નીકળી શકશો. અચાનક પૈસા મળવાના ચાન્સ રહેશે. સાસરી પક્ષ તરફથી ધનલાભ થઈ શકે છે અથવા કોઈ પણ પ્રકારનું સુખ પ્રાપ્ત થઈ શકે છે. સંતાનને લઈને થોડી ચિંતા રહેશે.

સિંહ- વ્યાપારમાં સારી સફળતા મળવાના ચાન્સ રહેશે. તમારી કાર્યદક્ષતા તમને સફળતા અપાવશે. કામ માટે લાંબી મુસાફરી થશે. તમને તમારા જીવનસાથી સાથે કેટલીક સારી યાત્રાઓ કરવાનો મોકો મળશે અને તમે બહાર ફરવા પણ જશો. તમારા માટે અતિશય વ્યસ્તતા અને બેદરકારીથી બચવું ખૂબ જ મહત્વપૂર્ણ રહેશે અન્યથા સ્વાસ્થ્ય સંબંધી પરેશાનીઓ ઊભી થઈ શકે છે.

કન્યા- તમારે તમારા દેવા પર ધ્યાન આપવું પડશે. આ સમયગાળા દરમિયાન લોન ન લેવી. લોનની ચુકવણીમાં ધ્યાન આપવું જોઈએ. નોકરી માટે શનિની આ સ્થિતિ તમારા માટે ઘણી મદદગાર સાબિત થશે. તમે તમારા કામમાં નિષ્ણાત બનશો અને નોકરીમાં તમારી સ્થિતિ મજબૂત બનશે. આ દરમિયાન તમે જરૂર કરતા વધારે કામ કરતા પણ જોવા મળશે.

તુલા- વિદ્યાર્થીઓને અભ્યાસમાં પડકારોનો સામનો કરવો પડશે. પરંતુ જો તેઓ ટાઈમ-ટેબલ બનાવીને નિયમિત અભ્યાસ કરશે તો તેઓ ખૂબ જ સારી સફળતા મેળવી શકશે. વિવાહિત જીવન માટે આ સમય સારો રહેશે. જો તમે કોઈને પસંદ કરો છો અને ફક્ત તેની સાથે જ લગ્ન કરવા માંગો છો તો આ સમય દરમિયાન તમને સફળતા મળી શકે છે.

વૃશ્ચિક- શનિના ગોચર પછી તમારે પરિવારથી દૂર જવું પડી શકે છે. આ દરમિયાન તમે તમારા પરિવારના સભ્યોની દરેક જરૂરિયાત પૂરી કરતા જોવા મળશે. તમે ઘર બનાવવા માટે બેંક લોન માટે અરજી કરી શકો છો. આ દરમિયાન કોઈપણ મિલકત ખરીદતા પહેલા તેની સંપૂર્ણ કાયદાકીય તપાસ કરો.

ઘન- નોકરીયાત લોકોને ઓફિસમાં સહકર્મીઓનો પૂરો સહયોગ મળશે. તેમના કારણે તમે તમારા કાર્યક્ષેત્રમાં સારી સ્થિતિ પ્રાપ્ત કરી શકશો. તમારી હિંમત અને બહાદુરીમાં વધારો થશે. વ્યવસાયમાં પણ જોખમ લેવાની વૃત્તિને વધારીને તમે તમારા વ્યવસાયમાં ઘણો નફો મેળવશો. પ્રેમ સંબંધોમાં સફળતા મળશે.

મકર- શનિના ગોચર પછી તમારી આર્થિક સ્થિતિ મજબૂત થવા લાગશે. ભૂતકાળમાં તમે ગમે તેટલી મહેનત કરી હશે. આ સમયગાળા દરમિયાન તમને શ્રેષ્ઠ પરિણામ મળશે અને તમારું બેંક બેલેન્સ વધવા લાગશે. તમે ધન સંચય કરવામાં સફળ થશો. મિલકતની ખરીદી અને વેચાણથી પણ તમને સારો નફો થવાની સંભાવના રહેશે.

કુંભ- નોકરીમાં પણ તમારી સ્થિતિ પ્રબળ રહેશે. તમારું વ્યક્તિત્વ સુધરશે. તમે મજબૂત વ્યક્તિત્વના માલિક બનશો અને તમે જે કામ કરશો તેમાં સ્થિરતા રહેશે. આ તમને ખૂબ જ આરામદાયક અનુભવ કરાવશે. ભાઈ-બહેનોનો સહયોગ તમારી સાથે રહેશે. જોકે અમુક પ્રકારની શારીરિક સમસ્યા તેમને પરેશાન કરી શકે છે.

મીન- પૈસાના ખર્ચમાં ભારે વધારો થશે અને નજીકના વ્યક્તિના સ્વાસ્થ્ય પર ઘણો ખર્ચ કરવો પડી શકે છે. વિદેશી વેપારથી વધુ વિદેશી હૂંડિયામણ મેળવવાની તકો બની શકે છે. તમારે વિરોધીઓ અને કોર્ટ-કચેરી સંબંધિત બાબતો માટે ખર્ચ કરવો પડી શકે છે. આ સમય તમને લાંબી મુસાફરી કરાવશે અને ઘણી યાત્રાઓ તમારી ઇચ્છા વિરુદ્ધ થશે અને માનસિક તણાવ આપશે.