ક્રિકેટ / જો રુટે 218 રનની ઈનિંગ રમીને ઘણાં રેકોર્ડ તોડ્યા, બન્યો આવુ કરનાર વિશ્વનો સૌ પ્રથમ બેટ્સમેન

• રુટે ત્રણ મેચમાં 150થી વધુનો સ્કોર કર્યો 
• ત્રણ મેચમાં બે વખત બેવડી સદી ફટકારી
• અત્યારસુધી 5 વખત બેવડી સદી કરી ચૂક્યો છે

341 બોલમાં બેવડી સદી ફટકારી
જો રુટે 2018ની મેરેથોન ઈનિંગ રમીને ઘણાં રેકોર્ડ પોતાને નામ કર્યા છે. તે 100મી ટેસ્ટમાં બેવડી સદી કરનાર વિશ્વનો સૌપ્રથમ ક્રિકેટર બની ગયો છે. જો રુટ પહેલા દિવસે 128 રન બનાવીને નોટઆઉટ રહ્યો હતો. પોતાની ઈનિંગને આગળ વધારતા બીજા દિવસને લંચ સુધીમાં તેણે 341 બોલમાં બેવડી સદી પૂરી કરી દીધી હતી. રુટે તેની ઈનિંગમાં 143માં ઓવરનાં ત્રીજા બોલ પર રવિચંદ્રન અશ્વિનની બોલિંગમાં છક્કો મારીને બેવડી સદી પૂરી કરી હતી. આ તેનાં કરિયરની પાંચમી બેવડી સદી છે. 

100માં ટેસ્ટમાં 200 રન કર્યા
છેલ્લી ત્રણ ટેસ્ટ મેચમાં બીજી વખત જો રુટે 200 રનનાં આંકડાને પાર કર્યો છે. અગાઉ તેણે શ્રીલંકામાં શ્રીલંકા સામે બેવડી સદી મારી હતી. જો રુટે 100મી ટેસ્ટમાં સૌથી વધારે રન બનાવનાર પ્લેયર તરીકેનો નવો રેકોર્ડ બનાવ્યો છે. આ રેકોર્ડ પાકિસ્તાનનાં ઇન્ઝમામ ઉલ હકના નામે હતો. જેણે 2004-05માં ભારત વિરુદ્ધ બેંગલુરુમાં પોતાની 100મી ટેસ્ટ મેચમાં 184 રનની ઈનિંગ રમી હતી.

સાતમા ક્રમે પહોંચ્યો
ટેસ્ટ મેચમાં જો રુટની આ સતત ત્રીજી 150થી વધારેની ઈનિંગ છે. તે સતત 150થી વધારેનો સ્કોર કરીને બેટ્સમેનની લીસ્ટમાં સાતમા નંબરે પહોંચી ગયો છે. રુટે આ પહેલા શ્રીલંકામાં રમાયેલી બે ટેસ્ટ મેચમાં 228 અને 186 રનોની ઈનિંગ રમી હતી. સતત સૌથી વધારે 150 પ્લસ સ્કોરનો રેકોર્ડ શ્રીલંકાનાં કુમાર સંગાકારાનાં નામે છે. જેણે 2007માં સતત 4 વખત 150થી વધારેનો સ્કોર બનાવ્યો હતો. બીજા નંબર પર વિલી હેમંડ છે જેણે 3 વખત આ કામ કરી બતાવ્યું છે. ત્યારબાદ મહાન બેટ્સમેન ડોન બ્રેડમેન, ઝહીર અબ્બાસ, મુદસ્સર નજર અને ટોમ લેથમે પણ 3-3 વખત આ ઉપલબ્ધિ પોતાને નામ કરી ચૂક્યા છે.