અમદાવાદમાં બે વર્ષ બાદ કાંકરિયાની અટલ એક્સપ્રેસ ફરી શરૂ કરવામાં આવી છે. જેમાં મસમોટા ખર્ચ બાદ પણ પાટા જૂના લગાવાતા ચર્ચા જાગી છે.
કાંકરિયાની અટલ એક્સપ્રેસ શરુ
અધધ ખર્ચ કરી અટલ એક્સપ્રેસ થઈ દોડતી
કરોડો રૂપિયાનો ખર્ચ છતાં પાટા જુના લગાવાતા અનેક સવાલો
અમદાવાદ કાંકરિયામાં જે રાઈડકાંડ થયો હતો તે અમદાવાદીઓ આજે પણ ભૂલ્યા નથી. અને તે જ વચ્ચે મનપા દ્વારા અધધ ખર્ચ કરી કાંકરીયાની અટલ એક્સપ્રેસ દોડતી તો થઈ છે.પરંતુ કરોડો રૂપિયાનો ખર્ચ કરી રેલવે પાસેથી ખરીદેલ જુના પાટા જ અહીં લગાવવામાં આવ્યા છે.રૂ.48 લાખમાં જુના પાટા ખરીદ્યા હતા જેનો ઈન્સ્ટોલેશન સાથેનો ખર્ચ રૂ 3.5 કરોડ થયો છે.કરોડો રૂપિયા ખર્ચ કરવામાં આવ્યા છે.
રિપેરિંગ બાદ ટ્રેન મુલાકાતીઓ માટે શરૂ કરાઇ
અમદાવાદીઓ જેની આતુરતાથી રાહ જોઈ રહ્યા હતા તે કાંકરિયાની અટલ એક્સપ્રેસનો પ્રારંભ થઇ ચૂકયો છે. જેમાં હવે મુલાકાતીઓ બેસી કાંકરિયાનો નજારો જોઈ મજા માણી રહ્યા છે. આખરે બે વર્ષના લાંબા સમયગાળા બાદ અટલ એક્સપ્રેસ ટ્રેન ફરી કાંકરિયામાં દોડતી થતા મૂલકાતીઑમાં આનંદ છવાયો છે. કાંકરિયા એટલે અમદાવાદની ઓળખ. દૂર દૂરથી કાંકરિયામાં ફરવા માટે લોકો આવતા હોય છે અને તેમાં પણ અટલ એક્સપ્રેસ જાણીતી છે. જે છેલ્લા બે વર્ષથી રીપેરીંગને લઈને બંધ કરવામાં આવી હતી. ત્યારબાદ હવે ટ્રેન પાટા સાથે તૈયાર થઇ જતા મુલાકાતીઓ માટે શરૂ કરી દેવામાં આવી છે. અહીં મુલાકાતીઓ હવે ટ્રેનની મજા લઇ રહયા છે.
જુના પાટા લગાવાતા સેફટી સામે પણ સવાલો ઉઠયા
અમદાવાદના કાંકરિયામા ફરી એકવાર અટલ એક્સપ્રેસ દોડતી થઈ ગઈ છે પરંતુ તેની પાછળ મનપા દ્વારા અધધ...ખર્ચ કરવામાં આવ્યો છે. જે શંકા ઉપજાવનાર છે. રાઈડ કાંડ બાદ અટલ એક્સપ્રેસ બંધ હતી કારણ કે તેના પાટા તૂટી ગયા હતા કરોડો રૂપિયાનો ખર્ચ કરી રેલવે પાસેથી ખરીદેલ જુના પાટા જ અહીં લગાવવામાં આવ્યા છે. રૂ 48 લાખમાં જુના પાટા ખરીદ્યા હતા જેનો ઈન્સ્ટોલેશન સાથેનો ખર્ચ રૂ 3.5 કરોડ થયો છે. કરોડો રૂપિયા ખર્ચ કરવામાં આવ્યા છે પરંતુ જુના પાટા ફિટ કરતા પ્રશ્નો ઊભા થયા છે.કારણ કે અમદાવાદીઓ કાંકરિયાનો રાઈડ કાંડ ભૂલ્યા નથી. પરંતુ જુના પાટાને કારણે સેફટી સામે પણ સવાલ ઉભા થયા છે.