પ્રોડ્યુસરે તેની સાથે ખરાબ વર્તન કર્યું હતું અને આ સાથે જ કામના બદલામાં તેની સાથે સૂવાની ઓફર પણ કરી હતી.
રતન રાજપૂતે ચોંકાવનારો ખુલાસો કર્યો
'કામ જોઈએ છીએ તો મિત્રતા બનાવી પડશે 'બોલ્યો પ્રોડ્યુસર
"જો મારી પુત્રી પણ અભિનેત્રી બની હોત તો હું તેની સાથે પણ સૂઈ ગયો હોત."
'અગલે જનમ મોહે બિટિયા હી કીજો', 'મહાભારત' અને 'સંતોષી મા' જેવી લોકપ્રિય સિરિયલોમાં કામ કરી ચૂકેલી ટીવી અભિનેત્રી રતન રાજપૂત (Ratan Raajputh) એ તેની એક્ટિંગથી ટૂંક સમયમાં જ ઘણી લોકપ્રિયતા મેળવી લીધી હતી. જો કે છેલ્લા ઘણા સમયથી તે ટીવી ઇન્ડસ્ટ્રીથી દૂર છે પણ રતન સોશિયલ મીડિયા પર ઘણી એક્ટિવ રહે છે, સમયાંતરે રતન રાજપૂત તેના ચાહકોને પોતાના જીવન વિશે ઘણી અપડેટ્સ આપતી રહે છે. જો કે ટીવીથી દૂર થયા પછી રતન રાજપૂતે પોતાની યુટ્યુબ ચેનલ પર બ્લોગ બનાવીને ઘણા ખુલાસા કર્યા હતા પણ આ વખતે તેને એક ચોંકાવનારો ખુલાસો કર્યો હતો અને એ હતો કાસ્ટિંગ કાઉચ. રતન રાજપૂતે શું કર્યો ખુલાસો ચાલો જાણીએ..
રતન રાજપૂત બની ચૂકી છે કાસ્ટિંગ કાઉચનો શિકાર
હાલ જ યુટ્યુબ પર પોતાના લેટેસ્ટ વ્લોગમાં રતન રાજપૂતે ખુલાસો કર્યો હતો કે, એક સમય એવો આવ્યો હતો જ્યારે તે કામની વાત કરવા કોઈ બોલિવૂડ પ્રોડ્યુસર પાસે ગઈ તો એ પ્રોડ્યુસરે તેની સાથે ખરાબ વર્તન કર્યું હતું અને આ સાથે જ કામના બદલામાં તેની સાથે સૂવાની ઓફર પણ કરી હતી. આટલું જ નહીં તેને વધુ ખુલાસો એમ પણ કર્યો હતો કે એ નિર્માતાની ઉંમર તેના પિતા જેટલી હતી.
કામ જોઈએ છીએ તો મારી સાથે મિત્રતા બનાવી પડશે
બ્લોગમાં રતન રાજપૂતે જણાવ્યું હતું કે, 'જ્યારે તે 14 વર્ષ પહેલા મુંબઈ ગઈ હતી ત્યારે તેને ત્યાં એક પ્રોડ્યુસરને મળ્યો હતો અને એ પ્રોડ્યુસર તેની સાથે ખરાબ વર્તન કર્યું હતું. એ પ્રોડ્યુસરે રતન રાજપૂતના વાળ, સ્કીન અને કપડાંની મજાક ઉડાવી હતી અને કહ્યું હતું કે રતન રાજપૂતે તેનો આખો લુક બદલવો પડશે અને તેની માટે લગભગ 2-2.5 લાખ રૂપિયા નો ખર્ચો થશે. આટલું જ નહીં પણ એ પ્રોડ્યુસરે રતનને કહ્યું કે તેના પર એ મફતમાં ખર્ચો કેમ કરે? તેને ગોડફાધર બનાવી તેની સાથે મિત્રતા બનાવી પડશે તો જ કામ મળશે.
એક્ટિંગની દુનિયામાં આવવા માંગો છો તો શરમ છોડો
રતન રાજપૂતે આગળ જણાવ્યું હતું કે પ્રોડ્યુસરની આ માંગથી એ સમયે તે ચોંકી ગઈ હતી અને કહ્યું હતું કે, "તમે મારા પિતાની ઉંમર જએટલા છો તો હું તમારી સાથે કેવી રીતે મિત્રતા બનાવી શકું? હું તમારું સમ્માન કરું છું અને કામ બાબતે તમે જે કહેશો એ હું માનીશ." આટલું સાંભળતા પ્રોડ્યુસર ગુસ્સે થઈ ગયો અને કહ્યું હતું કે 'હું નહીં તમારા માટે મફતમાં કોઈ કંઈ નહીં કરે અહીં માત્ર મિત્રતા થાય છે અને પછી કામ.' એટલું જ નહીં, એ પ્રોડ્યુસરે રતનને એમ પણ કહ્યું હતું કે જો અભિનયની દુનિયામાં પ્રવેશ કરવો છે, તો તેણે આ બધા ડ્રામા બંધ કરીને શરમ છોડી થોડું સમજદાર બનવું પડશે.
પ્રોડ્યુસરે પોતાની દીકરી માટે કહી આ વાત
રતન રાજપૂતે અંતે જે કહ્યું તે ખરેખર ચોંકાવનારું હતું. રતને જ્યારે એ પ્રોડ્યુસરને પિતા સમાન ગણાવ્યો ત્યારે તેને કહ્યું હતું કે, "જો મારી પુત્રી પણ અભિનેત્રી બની હોત તો હું તેની સાથે પણ સૂઈ ગયો હોત." આ સાંભળી રતન પણ ચોંકી ગઈ હતી. રતને આગળ જણાવ્યું હતું કે આ ઘટના પછી તેને ક્યારેય ફિલ્મમાં જવાનું સપનું નહોતું જોયું.