1 જુલાઈથી દેશભરમાં સિંગલ યુઝ પ્લાસ્ટિક પર સંપૂર્ણ પ્રતિબંધ લાગશે. આ માટે સરકારે એકશન પ્લાન તૈયાર કર્યો છે. દુકાનમાં સિંગલ યુઝ પ્લાસ્ટિકથી બનેલી વસ્તુઓ વેચવા પર કડક કાર્યવાહી કરવામાં આવશે.
સિંગલ યુઝ પ્લાસ્ટિક સામે એક્શન પ્લાન
1 જુલાઇથી સિંગલ યુઝ પ્લાસ્ટિકનું વેચાણ કે ઉપયોગ બંધ
નિયમ તોડવા પર દુકાનનું લાઇસન્સ થશે રદ
સિંગલ યુઝ પ્લાસ્ટિક માટે કડક નિયમો
સરકારે દેશમાં સિંગલ યુઝ પ્લાસ્ટિક સામે એક્શન પ્લાન તૈયાર કર્યો છે. કેન્દ્રીય પ્રદૂષણ નિયંત્રણ બોર્ડએ સિંગલ યુઝ પ્લાસ્ટિક પર પ્રતિબંધ મૂકવા માટે કડક નિયમ બનાવ્યો છે. સીપીસીબીએ સ્પષ્ટપણે કહ્યું છે કે, 1 જુલાઇથી જો કોઇ સિંગલ યુઝ પ્લાસ્ટિકનું વેચાણ કે ઉપયોગ કરશે તો તેની સામે કડક કાર્યવાહી કરવામાં આવશે.
1 જુલાઈથી સિંગલ યુઝ પ્લાસ્ટિક પર સંપૂર્ણ પ્રતિબંધ રહેશે
સીપીસીબીએ સિંગલ યુઝ પ્લાસ્ટિકની યાદી પણ જાહેર કરી છે, જેના પર 1 જુલાઇથી સંપૂર્ણ પ્રતિબંધ છે. આ તમામ ઉત્પાદનોના વિકલ્પ માટે 200 કંપનીઓ નવા ઉત્પાદનો બનાવી રહી છે. આ માટે તેમને લાયસન્સ રિન્યુ કરાવવાની જરૂર નથી.
પ્લાસ્ટિકનો ઉપયોગ કરનારાઓ સામે કડક કાર્યવાહી કરવામાં આવશે
CPCB દ્વારા પસાર કરવામાં આવેલા આદેશમાં કહેવામાં આવ્યું છે કે, જો કોઇ પણ દુકાનમાં સિંગલ યુઝ પ્લાસ્ટિકનો ઉપયોગ કરવામાં આવશે તો તે દુકાનનું ટ્રેડ લાઇસન્સ કરી નાખવામાં આવશે. દુકાનદારે ફરીથી લાયસન્સ મેળવવા માટે દંડ સાથે ફરીથી અરજી કરવી પડશે.